"Bizitzari etekin handiena ateratzeko apostua bota dut"
1991ko martxoaren 10
Ezin ditugu inola ere baztertu gizonari buruz dauden filosofiak, 68tik honantz, posmodernitatearen filosofia ezin dugu baztertu. Eta filosofia honek batez ere aipatzen dizkigun gauzak hauexek dira: alde batetik, "Jainkoa hil da" deiadarra, eta bestetik gizonari gizonari erabateko askakuntza eskaintzen zioten errelato handiak ere hilak daudela. Batetik, demokraziak eta liberalismo ekonomikoak porrot egin dute, garbi dago ez dutela gizona salbatu. Aldi berean, arrazionalismoak ere ez du inor askatu, batez ere Bigarren Gerra Mundialaren esperientzia kontuan hartuta. Bestalde, Marxismoak, benetan erroko askatasuna lortzeko doktrina bezala, porrot egin du. Hori kontutan hartu ondoren, bi aukera neuzkan. Antzinako estiloa hartu eta requiem bat egitea, etsituko gizonarentzat inolako esperantzarik eskaintzen ez duena, edo, bestela, nolabait gizonaren hastapenetara jo eta egunsentiaren filosofiaren barruan koka daitekeen zerbait idatzi.