"Etorkizunari begira irtenbiderik gabeko ikastolak ziren itxitakoak"
San Fermin bezperatan Nafarroako Ikastolen Elkarteak eta Gobernuak bederatzi ikastola txiki sare publikoan integratzeko akordioa sinatu zuten. Akordioaren nondik norakoak, ikastola txiki hauen errealitatea zein zen, eta aurrera begira landuko den estrategia aztertzeko Txomin Izko eta Juan Luis Larraza izan ditugu gurekin.
"Aipagarria da akordioan sartu diren ikastola guztietan gurasoak izan direla irtenbide bat eskatu dutenak, jarraipen bat eskatzen zutelako heuren haurrentzat. Bi edo biru hiru urterekin euskaratzen genituen haurrak erdaldunduak bukatzen zutelako lau eta bost urterekin. Urte guzti hauetan ez da posible izan hitzarmen hau zehaztea, beti eskatu izan bait zaigu zerrendan bi edo hiru ikastola handiak egon behar zutela; erabaki globala eskatzen zuen Gobernuak, zerrenda itxiak. Erantzuna ezezkoa izan da. Une honetan, ez dakigu zergatik, nafar Gobernuaren jarrera aldatu egin da eta posible izan da Otxagabia, Espinal, Burgete, Lekunberri, Irurtzun, Jaunsaras, Doneztebe eta Goizuetako ikastolak sare publikoan sartzea".
Bestalde, zerrenda honetan egon daitezkeen ikastola batzuk historikoki bere momentua galdu egin zuten. Ez genuen jakin garaia izan zuten momentuan irtenbide bat eta jarraipen bat ematen, baldintzak egokiak ez zirelako eta garai hartan zeuden korronte ideologikoak gainditzea ezinezkoa egin zelako. Irurtzungo ikastola kasu.
Honezaz gain, ARGIAn egin zenuten azken erreportaian akordioaren berririk ez zutela Konfederazioan aipatzen zenuten, eta argi utzi behar da akordioa sinatu aurretik negoziaziorn berri momenturo jakin izan dutela egin izan ditugun ohizko bileretan, nahiz eta oraindik akordioa eskuratu ez duten, ahaztu zaigulako ematea besterik gabe.
Une honetan nahiz eta egoera oso larria dela jabetzen garen, bestalde, Nafarroako ikastolek inoiz bizi izan dituen egoera egokiena bizi dute. Egun ikastola asko dira inbertsio garrantzitsuak egiten ari direnak, eraikuntza eta berrikuntza lanak ikasturte hasiera honetan amaituko dituztenak (Etxarri Aranazko ikastolak 52 milioiko kostoa duen lanak amaitu ditu jadanik. Lizarrakoak 300 milioiko eraikuntza burutzen ari da. Lesakakoak berriz, 40 milioiko eraikuntzari ekin dio. Zangotzako ikastolak 90 milioiko kostoa duen eraikuntza amaitzen du).
Geroari begira asmoak darraikite, eta Ikastolen Elkartearen helburu dira, Tutera, Biana, Sartaguda eta Iruñeako Paz Ziganda ikastolek dituzten azpiegiturei aurre egiteko nahitaezko beharrak sortzea.
Beraz akordioak ez du esan nahi nafar gobernuari jarrera aldaketarik izan duela eskaintzen diogunik. Argi daukagu lehengo gobernu berbera daukagula, lehengo jarrera bera duela euskararekiko, jarrera ez dela aldatu.
Gauzak honela Iraila erabakiorra izango da Nafarroako ikastolentzat, mehatxua hor dagoelako, eta horrek esan nahi du ziur asko era guztietako neurriak hartu beharko ditugula.
JJ petrikorena