Minxoriak: «Zuzenean egiten duguna diskan isladatzea izan da gure asmoa»
Hamar urtetik gora, plazaz plaza aritutako taldea dugu. Orain bost urte lehen diska grabatu zutenetik entzulegoarekin izan duten harremana zuzenekoa izan da eta horrexegatik azken diska honetan ere, zuzeneko emanaldietan eskaintzen duten musikari ez diote traiziorik egin nahi izan.
Nahiz mugaz bi aldetako musikariek osatu, «Minxoriak» iparraldeko taldea dela kontsideratzen da. Orain hamabost urte inguru sortu zen talde honek, partaideei dagokienez aldaketa ugari jasan ditu. Egun, sei lagun (Patrick Ithurralde, Lauret Feriol, Jama Larreburu, J. Lou Corrihons, losu Salbide eta Koldo Tarragona) dira taldeko partaideak eta azken Lp honen errudunak.
Diskaren promozioaren barnean, Herri Urrats egunerako single bat kaleratu zuten, aurtengo edizioko abestiarekin hain zuzen ere. Plastiko luzearen tituluak, "Beste Urrats Bat", egun horrekin duen harremana argia da. Baina bestalde izenburuak badu zerikusirik ere, orain bost urte kaleratu zuten «Ibiliz» diskaren izenarekin, Jama Larreburu, kantariak aipatzen digunez.
Esan azken aldian zuzeneko emanaldietan kantu guztiak euskaraz egitea deliberatu dutela.