Rafael Martirekin elkarrizketan.
"Dugun potentziala kanpora joan ez dadin sortu da Ballet-a"
1989ko Ekainean Euskadiko Balleta sortu zenetik Rafael Marti izan da zuzendaritza lanetan aritu dena. Euskal Herriko Balleta prestijiatu nahiaz, lan handia egiten dihardu azken hilabeteotan, berak dioenez, kanpokoak bezain onak izan bait daitezke hemengo konpainiak.
ARGIA.– Nola sortu zen Euskal Balletaren ideia?
RAFAEL MARTI.–Konpainta bat hasteko era bat zen. Egun Euskal Herrian jende asko dago honelako talde batean dantzatzeko gai dena, eta eskuarki kanpora joaten dira. Hemen dagoen potentziak horrek beste tokietara, atzerrira joan behar ez izatea da gure helburua, zegoen hutsune hori betetzea.
A.–Zein izan dira emaitzak?
R.M.–Orain jada lortu dugu aukera bat sortzea jendea balletetik hemen bertan bizi ahal izateko, une honetan horretan ari gara lanean. Orain Maiatzean lokala emango digute eta honek lanerako kondizio minimoak ematen dizkigu, nola hala obra osotasunean lantzeko aukera, bertan ere jantoki bat izango da. hemendik aurrera seguritate soziala eta soladata bat eta beste ere izango dira, hanibeste kostatu diren gauzak.
A.–Ba al da Euskal Herrian dantzaririk ballet bat sortzeko?
R.M.–Hemengo artistak ez desagertzea garrantzitsua da. Nahiz eta hemen talento natural bat egon, jendea kanpora joaten da ikastera eta lanera. Hau penagarria da, dantzari bezala dugun balioa beste herri bati eskaintzen bait diogu. Izugarria litzeteke oraingo jendeak nik izan nituen arazo berdinak izatea
A.–Nolakoa da euskal balletaren beka sistema?
R.M.–Momentuz EBean aritzeko beka batzu sortu dira. Iaz 7 pertsonak jaso zuten laguntza hori, audizioak pasa eta gero, hau da, Danzaestudio kanpoko jendea, ze dakizun bezala, gehiengoa eskola honetako da Orain beste beka batzu aurkeztu dira, baina ez dakigu zenbat jende sartuko den.
A.– Urte bete eskaseko epean, ze produkzio egin ditu EBk?
R.M.–Lau produkzio handi bildu ditugu, irlorrela gara gu izeneko obra batetan. Aurrera begira jaialdi askotara gonbidatu gaituzte, 40 bat aurkezpen ditugu aurten. Gure lanaren onarpen handi bat izan dela uste dut, agian hemen bertan izan ez dugun onarpena. Oso arro nago egin dugun lanarekin, euskaldunak oso arro egon beharko ginateke lan honetaz.
A.– Honelako konpainta batek ez al du eskola bat behar?
R.M.–Oraindik hastapenetan gaude, eta ez dago konpainiaren eskola izango dena. baina bere garaian izango da. Nere iritziz hau da behar zena, profesionalki bere herrian honetan aritu nahi dutenek aukera izatea.
49
GaiezKulturaDantzaTaldeakEUSKADIKO
PertsonaiazMARTI1
EgileezGOIKOETXEA5Kultura
