Fluoraketa pertsona helduentzat ere onuragarria izan daiteke

Osakidetzako Patxi Ezkurrarekin uraren fluoraketaz
Patxi Ezkurra (Osakidetza)
Fluoraketa pertsona helduentzat ere onuragarria izan daiteke
Osakidetzaren baitan, ur edangarria fluoreztatzeko erabakia hartua dago jadanik. Neurria martxan jarri bitartean, azterketetan dihardute Osakidetzako zenbait lagunek, guk Patxi Ezkurrarekin hitzegiteko aukera izan dugularik.
Nola dago egun fluoreztaketaren gaia?
Bi dekretu daude gai horren inguruan, uraren fluoreztaketa erregulatuko duena bata eta neurri hau hartzeko makinak ezarriko dituzten enpresei laguntzak eskaintzeko bestea.
Zein da aipaturiko fluoreztaketaren helburua?
Askotan aipatu izan den bezala, komunitate autonomoan ematen den hagin txantxar kopurua murriztea da helburu nagusia. Zenbait ikerketen ostean ikusi ahal izan dugu, fluoreztaketa sistema hau erabili izan duten zenbait estatutan hagin txantxar kopurua askotzaz urriagoa dela.
Neurri honetako erabaki bat hartu baino lehen, gai honen inguruan eginiko ikerketak kontutan eduki al dira?
Argitarapen ugari kontrastatu dira, hauetariko asko neurri honen alde ageri izan direlarik. Neurri honen aurka ikusi ahal izan dugun puntu bakarra fluorosia izan da, hots, fluorraren gehiegizko erabilera. Fluorra behar den neurrian erabiliz ordea, hagin txantxarra gutxiagotu daitekeela erakutsi digute aipaturito ikerketek.
Nori zuzenduta legoke neurri hau?
Printzipioz 12 urte bitarteko gazteei zuzendutako neurria dugu. Denborarekin ordea pertsona helduentzat, hau da, 60 urtetik gorakoentzat egokia izan daitekeela ikusi dugu.
Zenbait ikerketa ordea, fluerizazioaren aurka ageri izan dira?
Estatu Batuetan bi hiriren artean eginiko ikerketa konparatiboa izan da neurri honen aurka askok erabili izan dutena. Baina honen inguruan esan beharra dago ez zela batere serioa: ez ziren poblazio motak zehaztu, diseinu estadistito eskasa... Gainontzeko ikerketek alabaina emaitza baikorrak eman dituzte.
Noiz jarriko da martxan dekretua?
Dekretua eta aurretik egin beharreko ikerketa epidemiologikoa buruturik daude. Lehenik Gasteizen eta ondoren Añarben ezartzeko asmoa dago, baina momentuz hortan gaude.
Zenbait herritan aurkako jarrera azaldu izan da?
EKlren aldetik izan dira zenbait herritan neurri honen aurkako proposamenak, batzuk aurrera atera direlarik. Arazoa amankomunak diren herrien artean sor daiteke, baina ez dut uste horrelakorik gertatuko denik.
I.G
43

GaiezGizarteaOsasunaElikadura
PertsonaiazEZKURRA1