Enrike Gonzalez jokeyari elkarrizketa
Jokey Batekin Hizketan
"Esne Txarra Sobran Dugu"
ARGIA.–Irabazteagatik beste jokey-ei bidea ixten al diezue?
ENRIKE GONZALEZ.– Hori egitea oso normala da. Denok gaude diruagaitik, bidezkoa da pasatzen ez uztea baina ez oztopatzea. Hor ez: dago zikinkeriarik.
A.–Ba al duzue konplexu bereziren bat?.
E.C–Bai, txiki eta meheak gara eta esne txar asko dugu. Izan ere ogibide honetan, gosea pasa behar da jan ahal izateko. Bi egun daramatzazunean jan gabe, larriegi zabiltza. Helmugara iristerakoan, kilo batek metro bat aurrera ala atzerago geratzea suposa lezake.
A.– Zenbat jenderentzat iristen da exitoa, zer dago suerterik izaten ez duenarentzat?
E.G.–Prolemak ditugu zaldi onekin korritzeko ona izatea baino garrantzi gehiago ematen zaio izena edukitzeari eta izen ospetsudunentzat dira zaldi hoberenak. Ikulluko mutila izaten akaba dezakezu, denak dira beharrezko baina nik ez dut horrela bukatu nahi.
A.–Taldean lana egiten duzue kuadren nagusi, prestaketari eta jokey-ak ala 'mandados' batzu zarete.
E.G.–Prestaketariak eta nagusiak piska bat gutaz ahaztu egiten dira. Benetako erlazioa zaldi eta jokey-aren artekoa da. Prestaketariak jokey-a entenitu beharko luke eta jokey-ak zaldia.
A.–Noiz ezagutzen dira zaldiaren benetako posibilitateak?
E.G.–Kasta duen zaldia ez da 'zakurtzen', erantzuten du eta ez daukazu zergaitik zigortu beharrik, forman dagoenean berari antzematen zaio.
A.–Jokey-aren esne txar hori zaldiak pagatzen al du, krudelkeria praktikatzen al duzue zaldiekin?
E.G.– Uste dut baietz. Ohitura onak erakutsi ordez, batzuetan esne txar horregaitik gaizki eginda dagoela jakin arren gehiegi erreprimitzen ditugu.
A.– Doping-a ematen al da maiz karreratan?
E.G.–Zaldiak atletak bezalakoak dira eta bitaminak hartzen dituzte batzu debekaturik daude eta ez da abusatu behar ze erre daitezke zaldiak. "Butazodina" da horietako bat, eta nere iritziz oso kasu bakanetan erabiltzen da.
A.– Irabaztea zerbaitegaitik trukatuko al zenuke, ba al da tongorik hortik?
E.G.– Ezergaitik ez dago trukatzerik hori, benetan. Hori sentitu eta bizitu egin behar da, lanean akatzen, ernegatzen botatzen duzu astea eta igandean dena irabazteagaitik egiten duzu. Jeneralean honela izaten da badira eszepzioak baina irabaztearen harrotasuna denok dugu eta horrek ematen dizkizu energiak.
41
