argia.eus
INPRIMATU
Javier Bello Portu: "Bihotza Eta Burua Lotu Nahi Ditut Nire Estiloan''
2021eko uztailaren 23a
Javier Bello Portu orkestra zuzendariarekin
Baionako «Euskal Herriko Korua» Sortu Berria Zuzentzen Du Euskal, Zuzendari Famatu Honek
Javier Bello Portu: "Bihotza Eta Burua Lotu Nahi Ditut Nire Estiloan''
Apirilaren 30ean eman zen Baionaio Euskal Herriko Koruaren aurkezpena, lehen emanaldia egun horretan bertan eman zuelarik. Hiri horretako Kultur Zentru famatu eta boikoteatuak antolatua du koru hori, eta berorren zuzendaria Jabier Bello Portu dugu, Baiona eta Paris artean bizi den orkesta-zuzendari hegotarra.
ARGIA.–Apirilaren 30ean Euskal Herriko Korua gidatu zenuen Baionako Katedralean. Errespontsabilitate handia izan al zen hori zuretzat?
JAVIER BELLO PORTU.–Bai, errespontsabilitate handia. Alde batetik, urte osoko lana egun bakar batean entzun zelako, eta bestetik hemen badirelako beste koru asko, oso kalitate onekoak. Zaila da beraz. Halere, pentsatzen dut beti izan dugula beharra, koru batek hemengo musika egiteko, eta nire ustez hori izango da Euskal Herriko Koru honen lan printzipalena: hemengo musika korurako egin, aditu eta zabaldu.
A.–Prestakuntzak aipatuko ditugu. Nola lan egin duzue koru honetan?
J.B.P.–Badakizu zer izaten den. Badaude berrogeita emakume eta gizon, horietako asko beste toki batzutan kantatzen dutelarik (beren elizetan, beren herrietan, beste koraletan ere...), baina halere Baionan astean bi eta hiru aldiz, zortzi t'erdietan hasita hamaikak arte entseiatu izan dugu, udan eta neguan ere. Bistan da koruaren borondate ona.
A.–Erraten da ahots ederrak direla Euskal Herrian, baina landu egin behar dira, dudarik gabe.
J.B.P.–Bozaren kontuetan, gauza bat da herriko plazatan edo elizan kantatzea, esan izan du inork Euskal Herrian beti oso modu pausatuaz kantatzen dela, indarrez, eta hori oso ongi esana dago, eta horrelaxe kantatzeko horixe behar da, baina koralean kantatzeko beste musika klase bat izaten da eta beste estilo desberdin bat behar da. Estilo handia behar da, azpian fundamentua duena, eta horrexen atzetik bila ibili gara.
A.–Musikaren jotzeko maisu bat behar dela gauza jakina da, baina koruetan ere izan beharko dute...l
J.B.P.–Bai, kontutan hartu behar da koraletan estiloak daudela, dena ez da igualtsu kantatzen, musika zaharren estiloa dago, erromantikoen estiloa, eta bai oraingo estiloa ere.
A.–Javier Bello Porturen estiloa nolakoa izango da?
J.B.P.–Nik pentsatzen dut honelakoa izango dela: burua eta bihotza besotik lotuta.
A.–Zuk nahiago izan duzu gizon-emaztez osatutako korua osatzea. Hobe al da hori, gizonezkoen kantua ere tradizioa bait da gure herrian.
J.B.P.–Gizonezkoen tradizioa ez da hemengoa, kanpokoa baizik. Les Choeurs de l'Armée Russe hortxe dituzu, gizonak, beti gizonak. Eta hemen, askoz gehiago kantatu izan duté emakumeek beti, elizan etabar. Gero, badakizu modak nolakoak izaten diren, orain dela 50 bat urte gizonezkoen kantua izan zen modan. Nik pentsatzen dut tokia badagoela bientzat, gizonentzat eta emakumeentzat.
A.–Posibilitate handiagoak ematen al ditu koru mistoak?
J.B.P.–Bai, bai... koru mistoan hiru gauza dituzu: emakumea bakarrik, gizona bakarrik eta denak batera. Gero ere baduzu gizonentzako errepertorioa baina hori zati bat da eta gure herria ez da hain txikia zati batekin bakarrik gelditzeko. Behar da ikertu, eta osasunez aurrera jo.
L. ETXEZAHARRETA

Jabier Bello Portu, Paris eta Baiona artean bizi den orkesta-zuzendaria.
47

GaiezKulturaMusikaMusika klasOrkestrakuzendariak
GaiezKulturaMusikaAbesbatzakTaldeak
PertsonaiazBELLO1
EgileezETXEZARRET2Kultura