TOL, Musika Elektronikoa Belarriak Baretzeko

TOL Taldearen Oasis diskoa
"Oasis" Izeneko Diskoa Atera Berri Dute Elgoibartarrek
TOL, Musika Elektronikoa Belarriak Baretzeko
"Oasis" izeneko diskoa atera du Elgoibarko TOL taldeak. Musika elektronikoa goitik behera.
Duela bost bat urte hasi ziren Alberto Iriondo eta Jesus M. Sarasua elgoibartarrak sintetizadoreei zaratak ateratzen. Folk talde batzutan jo arren sinfoa eta musika elektronikoa gustatzen zitzaien: Tangerin Dream, Pink Floyd, Jean Michel Jarre, Mike Oldfield, Vangelis...
TOL.–Guk beste talde batzutan jotzen genuen baina folk musika. Guri gustatzen zitzaiguna berriz "Tangerin Dream" eta sinfonismoa zen, Mike Oldfield eta gauza horiek. Ez hori egitea baizik eta estilo horretakoa. Guk, lehenengo momentutik egin izan dugu gure musika. Bertsio pare bat kenduta gai guztiak dira guk egindakoak.
Hasieran txarada bat izan zen. Pare bat sintetizadore erosi eta martxan jarri. Orduan inork ez zeukan sintetizadorerik hemen. Gaur egun berbena-talde guztiak dauzkate guk baino ekipo sofistikatuagoak.
ARGIA.–Zer da garrantzitsuen sintetizadoreak eta erabiltzeko? Musiko ona izatea? Tekniko ona izatea?
T.–Azkenean sinplea da. Baina hasiera batean lio bat da. Guk kontserbatorioko estudioak baditugu. Bestela, ezin da. Bestela beti zaude instrumentuen pean. Musiko on batek, nahiz eta tresna eskas xamarra eduki, beti aterako du zerbait ondo. Aldrebes oso zaila da. Vangelis batek beti dauzka tresnak bere menpean.
A.– Bi sinte, kitarra, bateria, saxoa...
T.– Taldean hiru gara. Gero diskoan, bateria eta saxoa, hau jazz mundukoa. Ez gara talde estable bat. Alberto Donostian dago eta aste bukaeratan etortzen da herrira. Orduan, batzutan juntatzen gara jotzeko eta beste batzutan pasiara joateko. Horrela ezin daiteke talde bat aurrera atera.
A.–Aktuazioak eta?
T.–Ez, ez. Gero gainera, gu ezin gara frontoi batean sartu. Antzoki bat beharko genuke eta norekin jo? Rockero batzurekin aurretik? Bakarrik beharko genuke.
A.–Nola egiten dituzue pieza berriak eta?
T.– Albertok esaten du "okurritu zait hau", eta apuntatzen du idea bat edo melodia bat. Orduan hasten gara "egin leike", "zeharo eskasa da" eta horrelakoak botatzen. Poliki poliki denen artean ikusten ditugu gauzak. Egia esanda nahiko makala da konposaketarako gure prozesua.
A.– Prozesua bera nolakoa da?
T.–Inprobisazioa. Konposatzerakoan inprobisatu egiten da baina gero ez da inprobisatzen. Konposatzen da eta behin ja tema eginda dagoenean hortik aurrera dena berdin jotzen da. Igual soinu aldaketetarako froga batzuk egingo ditugu, baina hori listo dago.
A.– Zuentzako musika egiten duzue orduan...
T.–Bai, bai, bai. Eske guk ez diagu merkaturik. Musiko asko ibiltzen duk bere publikoan pentsatuz: "nahiz eta neri hau gustatu hau sartu behar diat, eta beste hau, eta hau..." ba, publikoagatik. Guk guretzako jotzen dugu. Oso lasai.
Orain diskoarekin arazo hori sortzen zaigu. Guk ezin dugu aktuaziorik egin. Zuzenean ezin dugu diskoan emandako sonido bera eman.
A.–Zergatik?
T.–Jendeak gure diskoaren erreferentzia dauka orain, eta aktuazio bat egitekotan soinu hori eman beharko genuke, eta gaur egun TOL-en soinua ez da hori.
A.–Orain arte egin du, zuen lanaren errekopilazio lan bat bezala ulertu behar al da zuen diskoa?
T.–Bai. Lehenengo aldea batez ere. Fetxaz fetxa daude gainera. Bigarren aldean azken gaiak daude. Piska bat igertzen da ja aldaketa. Saxoak beste toke bat ematen dio. Arregloak ezberdinak dira. Melodiak ere ezberdinak dira. Lehenengoak askoz ere folk toke gehiago dauzka. Elektronikoagoa ere bada.
A.–Zer moduz aritu zarete estudioan?
T.– Presaka. Hamabost egun baino ez ditugu izan grabatzeko. Tema hauek berriz grabatu behar izan ezkero ez litzateke berdina aterako diskoa. Desberdina izango litzateke. Gustora geratu gara disko honekin baina ez gaude oso konforme. Nobatada pagatu dugu estudioan. Gure ilusioa litzateke hemendik denbora batera guk nahi dugun bezalako disko bat ateratzea.
Dabid ZUAZALDE
43

GaiezKulturaArgitalgintArgitalpenaDiskoak
GaiezKulturaMusikaArgitalpenaDiskoak
GaiezKulturaMusikaMusika modeTaldeakTOL
EgileezUAZALDE1Kultura