Tandem Kultur Zentrua: hizkuntzak ikasteko bide berria
Irailean TANDEM kultur zentruak antolaturiko ikastaroa izan dela medio eta donostiar-alemandarrez osaturiko talde bat aritu da gaztelania-alemana elkarri erakusten.
Klaseetatik at, hitzaldiak, txangoak, euskal kultura eta hizkuntza ere izan dituzte partaideek. Hona hemen ikastaroan parte hartu duen batekin izan dugun elkarrizketa.
A.–Nola duzu izena eta zenbat urte dituzu?
T.–Karl Meyer naiz eta 29 urte ditut.
A.–Noiz eta nola hasi zirenen gaztelania ikasten? Zergatik?
T.–Orain dela bi urtebete unibertsitatean ikastaro bat egin nuen. Gaztelania ikasteari dagokionez bi arrazoi daukat nagusi, alde batetik toki batera joatean bertako hizkuntza ikastea eta jakitea gustatzen zait, bestalde Hegoameriketara joan nahi dut eta hortarako hizkuntza derrigorrezkoa dut.
A.–Nola enteratu zinen Donostian bazegoela gaztelaniazko ikastaro hau?
T.–Nik oso ondo deritzat "tandem" sistemari, gaztelaniaz ondo dakiten hiztunekin praktikatzeko aukera ematen dizuelako. Horrexegatik Berlin-go TANDEM zentrura jo nuen informazio bila, han esan zidaten bazeudela ikastaroak bai Madrilen bai Bartzelonan bai Donostian; gu bi lagun ginenez gero (Martin eta biok) hobeto zetorkigun tokia Donostia zen eta honera etorri egin gara.
A.–Non eta norekin bizi zara hemen?
T.–Hondarribian, Peio izeneko gizon baten etxean. Peio eta honen neska-lagunarekin bizi naiz.
A.–Ikastaro hau bukatu eta gero, baduzu jerraitzeko asmorik?
T.–Bai, Berlin-en. Seguru aski tandem sistema egingo dut edo bestela lagun talde batekin irakasle bat hartuz. Gaztelaniaz ondo ikasi nahi dut Hegoameriketara joan ahal izateko.
A.–Berlin-en ba ote dago Jende asko gaztelania ikasten interesatua?
T.–Bai, batez ere Hegoameriketeko egoeraz interesaturik eta hau dela medio hizkuntza asko ikasten da.
A.–Hona etorri baino lehen, zer zenekien hemengo egoerari buruz?
T.-Gauza gutxi, egunkarian zer edo zer irakurrita. Euskadi toki konfliktibo eta polizitatua zela, ETA ere bazela eta kitto. Donostiaz ez nuen ezer ezagutzen, eta eguraldiari zegokionez beti euria ari zuela uste nuen. Orain, esan behar dut oso sorpresa atsegina izan dudala bai hiria bai eguraldiari dagokionez.
A. Eta euskerari buruz bazenekien zerbait?
T.–Ezer ez, hemen esaldi batzuk ikasi egin ditut eta zenbait klase jaso ere egin dut.
A.–Esate baterako...
T.–Zer moduz?, Zenbat da?; Ni Karl naiz, erre dezaket?; Nor zara zu?; Ni Hondarribian bizi naiz, bai - ez; eta holako beste batzuk.
A.-Zer deritzazu hemengo jendeari?
T.-Nere ustez hangoa baino zertxobait irekiagoa da, baina ez da oso diferentea. Kalean horrebeste denbora pasatzeak asko harritu ninduen lehenengo unean, gero hemengo etxeak ikustean horren zergatia ulertu nuen: etxeak oso txikiak dira eta gauean horrenbesteko jendetza kalean izatea oso gauza arraroa ere bada neretzat, hau asko atsegin dut.
A.-Zer da Donostian gehiena gustatu zaizuna?
T.-Esan dizudan bezala gauean kalean izateko ohitura, baita pintxoak eta zinemaldia ere. Donostitik at Gasteiz asko gustatu zait.
A.–Eta gutxiena?
T.–Hemengo bizimodua azkarregia dela neretzat, agian udako hilebeteak pasatuz gero erritmoa ere jaitsi egingo da.
A.–Zer diozu Berlin-go mobidaz?
T.–Berlin oso hiri haundia da eta oso lagun ezberdinak bizi dira han, badaude gazteak, atzerritar ugari, eta edadeko jendea ere bai. Momentu honetan talde eta ekintza diferente anitz daude eta izandako beste zenbait mugimendu jadanik bukaturi daude, adibidez "crakers-ena". Bestalde politikak ez du garrantzi haundirik oraintxe, irtenbide edo soluzio kolektiba bilatzetik soluzio indibidualera pasatu da, une hontan alternatibo deritzan jendeak denda asko ireki du.
A.–Nola dago Berlin-en bizimodua kanpotarrentzat?
T.–Zaila oso, Berlin-en %10 kanpotarrak dira eta hauetatik %5 turkoak. Lana eta lan-baimena askoz ere errezago lortzen dute europatarrek. Alemana ikasi nahi izanez gero ez da oso zaila unibertsitatean matrikula debalde baita.
A.–Elkarrizketa bukatzeko azkenengo galdera, hona bueltatzea pentsatzen duzu?
T.–Bai, Bartzelona ikusteko gogoz geratu naiz; "Sagrada Familia" eta Dali-ren museoa ikusi nahi ditut.
Ana FERNANDEZ
58
GaiezKulturaKultur ErakTandem Kult
GaiezKulturaKulturgintz
EgileezFERNANDEZ2Kultura
