argia.eus
INPRIMATU
Kike de Pablos
2007ko otsailaren 21a
Kike De Pablosekin elkarrizketan.
Abeduaren bigarren asteburuan ezkondu zen Iru;ean Xabier Garaioa mendizalea, bera izatez medikua ere bada eta aurten beste hainbat mediku eta mendizalerekin batera Cho9oyu mendirako espedizioan parte hartu zuen. Bere ezkontza aprobetxatuz bertan bildu ziren hainbat mendizalerekin mintzatu ahal izan genuen, ARGIArako nolabaiteko urtabeteko balantzea prestatzearren.
Kike de Pablos
ARGIA. Iaz Makalu egin zenuen (8.480 metro alpino eran); aurtengoa nola joan zaizu?
KIKE DE PABLOS. Maila horietan egiten duzuna daukazun diruaren arabera neurtu behar da, dituzun bitarteko materialen arabera. Uda honetan Pakistanen izan gara? hiru pertsona berrehuna mila pezetarekin, oso modu sinplean, eta ahal izan duguna egin dugu: 6.600 metrotako mendi birjina, mendebaldeko Karakol glaziarren zonaldea hilabete t'erdiz esploratu, etabar... Ahal izan duguna egin dugu.
A. Hori erraz esaten da baina egiten ez da hain erraza izango. Konta iezaguzu mesedez.
K.P. Hilabete t'erdiz Lultalen ingurutan ibili gara Joanadur Joanasir eta Lultalen hurbilketa bideak aurkitu nahian (aurten arte inork burutu ez zituen 7.300 metrotako mendiak). Gero, Batura glaziarretik ibili gara, zirkulu artikoetatik kanpo dauden glaziarren artean munduko hirugarrena delarik, bere ertzak arakatu genituen. 7.000 metrotako gailur birjinak inguratuz. PASO ko glaziarra ere ibili genuen, handik Maidon Shar mendia igo genuelarik. Azken mendi hau da lehenago aipatu dudan 6.600 metrotako mendi birjin hori. Gerora Shispar izeneko beste birjina (7.700 metro) alpino eran baina eguraldi txarragatik atzera jo behar izan genuen. Balbareko glaziarretik izen bereko mendia igotzen saiatu ginen, baina besterik ez. Egia esan, generaman diruak ez zuen gehiagorako ematen.
Pakistan aldeko parajeak oso desberdinak dira Nepalgoekin gonbaratuz gero: herriak 2.000ko alturetan daude, eta oinarrizko kanpoak gehienez 4.000 metrotan jarri behar dituzu. Igoeretarako desnibelak, beraz, ikaragarriak dira batzutan.
A. Zer izan da zuretzat aurtengo gauzarik interesgarriena?
K.P. Everest alpino eran eta iparretik igotzeko saioa oso inportantea izan da, nahiz eta espedizioko bat hilda gertatzeak balantzea apur bat ilundu. Baina tira, horrelako zorte txarrik edozein tokitan gerta daiteke.
Gero, Cho-oyu-rena dago, oso inportantea ere. Bestalde, orain urte hasierarako prestatzen ari diren zenbait ekintza nagusi daude. Alde horretatik Bizkai aldetik Patagonia aldera antolatu duten espedizioa aipatu behar da, bi mendi igotzeko asmoz.
Hemengo bi mendizale beste italiar batzurekin batera Makaluko gailurrera heltzea ere izugarri inportantea izan da aurtengoen artean: beren poltsikoko diruarekin joan dira, denbora gutxian prestatua, eta arrakasta osoz.
A. Zeintzu dira zare projektoak?
K.P. Projektoak? Projektoak asko edo bakar bat izan daitezke, baina prolema dirua da. Dirurik izanez gero, edozein tokitara joango zinateke, hori segurua da, baina horretarako dirua behar da eta zaila da lortzen.
20

Gaiez\Kirola\Mendizaleta
Pertsonaiaz\PABLOS1
Egileez\ERRO1\Kirola