«Gure eritziak zabaldu nahi ditugu »

Tolosako «Tortura Sistematika» talde rockeroa
«Gure eritziak zabaldu nahi ditugu »
Talde rockero batetako bi partaide. Lanberto eta Josi. Tolosako Cafe-Fronton delakoan. 19 urteko mutikoak eta zerbait esan nahi dutenak. Elkarrizketa beraien kantuen modura doa: erantzun laburrak galderei. Segundu batzutakoak.
TORTURA SISTEMATIKA.–Gu biak aparte Xanti Iribar eta Txanpi zeudek taldean. Denak Tolosakoak. Bueno, Txanpi Andoaingoa. Txanpi dago beste bat ez daukagulako. «Bap» tadean jotzen du bateria.
ARGIA. - "Bap" eta zuek eta... besterik ba al da inguru hauetan?
T.S.–Ez, asko ez. Inguruan «Bap» eta gu bakarrik.
A.–Zer egiten duzue?
T.S.–Ze musika mota?
A.–Ze instrumento erabiltzen dituzue esate batera.
T.S.–Kitarrak, bajoa eta bateria.
A.–Horiekin ezin egingo duzue «konzierto de flauta» bat.
T.S.– Dena abesti motzak, oso motzak, hogeita hamar segundutakoak, eta oso arinak.
A.– Letrak euskaraz egiten dituzue...
T.S.–Denak ez. Bazeuzkeagu bost gazteleraz. Bost ez, gehiago.
A.– Nolatan sartu zarete rockaren martxa honetan?
T.S.–Prrr! Ez dakit. Musika gustatu egin izan zaigu beti eta ez aburritzeagatik.
A.–Igual nonbaiten musika ikasten ari zinetela juntatu eta...
T.S.– Nik solfeo ba dakit. Baina total, jakin ez jakin... hik ez duk jotzen solfeoarekin. Bi akorde bakarrik jotzeko...
A.–Orduan zuen rollo bakarra duk ez aburritzea?
T.S.–Eta zerbait esatea.
A.–Zer esatea?
T.S.– Gure iritziak, gure ideiak adieraztea.
A.– Eta zein dira ideia horiek?
T.S.– Betiko gaiak. Ejerzitoak, estatuak, botereak zapaldu egiten zaituela.
A.– Rockaren ingurua normalean ez al da gazteleraz mugitzen?
T.S.–Bai. Gutxi daude euskaraz. Gutxi.
A.–Zein?
T.S.–Famosoak Hertzainak eta Zarama.
A.– Musika zerbait jakin, solfeoa, piano zerbait... eta halere nahiago zuen martxa horretan ibiltzea.
T.S.–Errazagoa duk. Bestea gehiago kostatzen duk.
A.–Jetas xamarrak ere bazarete orduan.
T.S.–Jetas ez baldin bahaiz ez haiz inora heltzen.
A.–Tolosa inguruko jendea ez al da moskeatzen zuekin?
T.S. - « Batxuri zarpa» zela eta konzierto bat antolatu huen eta azkenean suspenditu. Makarra batzuk hasi hituen kristalak eta botatzen eta ekipoaren kolumna bat ere bota ziaten lurrera.
A.–Erdaraz ere egiten duzue. Zergatik?
T.S.–Alde batetik hemendik ateratzeko erdaraz egin beharra dago. Bestetik euskaraz ematen du tipo Benito egin behar duzula. Eta hori txorrada bat da. Euskaraz egin daiteke dena. Euskara horrela murrizten bada berarentzat okerrago izango da. Horrela ez da joango inora. Ireki egin behar da.
A.–Horrek esan nahi likek euskaraz egin beharko zenutekeela guztia.
T.S.– Dena ez. Hemendik ateratzeko euskaraz ezin da.
A.–Zarama eta Hertzainak atera dira ba!
T.S.–Bai, baina horiek Euskadin bakarrik. Hortik kanpora...
A.- Orduan kanpora joan nahi duzue...
T.S.– Kanpora ez, baina bestela kanpoko jendeak ez du ulertuko.
A.–Non jo duzue?
T.S.–Trintxerpen. Batez ere Trintxerpen. Hemendik hamar egunetara Bartzelonara goaztik. «Celeste»ra.
I.U.
34

GaiezKulturaMusikaMusika modeTaldeakTORTURA SIS