Zumaiako Udal Gobernuaren "errefuxiatuekiko hipokresia" salatu dute

  • 1937ko erbesteratuak eta egungo Siriako errefuxiatuak gogora ekarri zituzten Zumaian igandean herritarrek egindako antzerki baten bitartez. Antzerkiaren aurretik errefuxiatuei omenaldia egin zuten hainbat herritako alkateren parte-hartzearekin. Ekitaldian Zumaiako alkate Oier Kortak (EAJ) egungo errefuxiatuak gogoan eduki ez izana eta hainbat herritarrek errefuxiatuen alde eta xenofobiaren aurka egindako murala zentsura izana salatu ditu Kalea Guztiona Da ekimenak.

ARGIA @argia
2017ko otsailaren 15a

Kalea Guztiona Da mugimendua, herriko 33 talde eta sindikaturen babesarekin, Zumaiako Udalak pankarta, kartela, eta muralei ezarritako debekuen aurka aritzen da. Debekuen aurkako tira-bira ezaguna egin da Zumaiako Alde Zaharreko horma batean egin dituzten 26 muralengatik –egin eta hurrengo egunean denak ezabatu ditu Udal Gobernuak–. Azkena astelehenean zentsuratutakoa izan da, eta horren harira ondorengo irakurketa zabaldu dute:

Kamerak itzaltzen direnean...

1937ko eta gaur egungo errefuxiatuak gogoan izan genituen atzo herrian. Herritar askoren ahotan izan zen gaia, baita politikari askoren mezua bilakatu ere, kazetarien kamerak piztuta izan ziren bitartean. Gaur ordea, xenofobia eta arrazakeriaren aurkako horma-irudia zentsuratu du Udal Gobernuak. Alkatea presente ez badago edo bere kontrolaren filtroa pasatu ez badu, herritarren aldarrikapen oro zikina dela erakutsi dute berriro ere.

Atzo egindako muralak zabalpen handia izan zuen herrian eta sare sozialetan. Pertsona guztiok eskubide berberak ditugula eta inor, inon, ez dela ilegala esatearekin bat datorrelako jendartearen multzo handi bat, eta seguruenik mezu hori adierazteko erabilitako molde artistikoa ere atsegina delako askoren begietara. Baina tamalez, aldarrikapen justu bat desagerrarazteko nahikoa da agintea duten pertsona gutxi batzuek kontrakoa pentsatzea.

Herritarrok zer pentsatu behar dugu igandean kamera aurrean 37ko errefuxiatuen egoeraz (Siriakoez aipamenik ez zuen egin) jardun eta astelehenean mezu hori bera zentsuratzea agintzen duen politikari bati buruz?

Hauteskundeen loterian elkarrizketarako gaitasunik ez duten politikariak tokatu zaizkigu Zumaian eta "nirekin zaude ala nire kontra" ikurtzat hartuta aritzen ari dira. Jarrera hori ez du inork bozkatu, ordea.

Ez dugu horrelakorik merezi.

Kalea Guztiona Dak egindako montajea, Udalak ezabatutako azken muralaren berri emateko.

Errefuxiatu krisi globala kanaletik interesatuko zaizu...
2017-10-22 | Andoni Mikelarena
Lotsaren harresia Bilboko Portuan

Bilboko Portuko arduradunak lau metroko altuera duen harresi bat eraikitzen ari dira, errefuxiatuak ferryetan polizoi modura sartzea eragozteko. Erabaki horrek erreakzio ugari eragin ditu.


2017-10-11 | Andoni Mikelarena
Migranteak ilegalki kanporatu ostean Zoidok dio "ez dutela zertan hesia saltatu"

Senatuan hitz egin du Juan Ignacio Zoido Espainiako Barne ministroak, aurreko astean Estrasburgok migranteen kanporatze azkarraren inguruan emandako epaiaz.


2017-10-10 | Andoni Mikelarena
Lotsaren harresia Bilboko Portuan

Bilboko Portuko arduradunak lau metroko altuera duen harresi bat eraikitzen ari dira, errefuxiatuak ferryetan polizoi modura sartzea eragozteko. Erabaki horrek erreakzio ugari eragin ditu.


Rohingya herria, sarraskitik ihesi

Rohingya herriko ia milioi erdi lagunek ihes egin dute Myanmarretik (lehengo Birmania) Bangladeshera. Myanmarreko Gobernuko iturriek berriki aitortu dute rohingyen herrien %40 hustu direla armadaren bortizkeriatik ihesi. NBEko Giza Eskubideen goi komisario Zeid Ra’ad Al Husseinek adierazi du “ageriko garbiketa etnikoa dela”.


2017-09-29 | ARGIA
Errefuxiatuak hartzeko konpromisoak bete ditzan eskatuko diote Europari irailaren 30ean

Bizkaiko Ongi Etorri Errefuxiatuak (OEE) plataformak deituta, elkarretaratzea egingo dute Bilbon irailaren 30ean, Europar Batasunari exijitzeko bete dezala orain bi urte hartu zuen errefuxiatuak jasotzeko konpromisoa. Irailaren 26an agortu zen 180.000 pertsona inguru hartzeko EBk bere buruari ezarritako epea, eta kopuru horren %28 ingururi baino ez zaio eman harrera duina.  


2017-09-26 | Unai Brea
Bi urteko epea beteta, hitz emandako errefuxiatuen herena baino ez du jaso Europak

Orain urte bi, Europar Batasunak errefuxiatuak jasotzeko kuotak banatu zituen estatu kideen artean, batez ere Italia eta Greziari presioa arintzeko, horietara iristen baitziren gehienak, Mediterraneoan barrena. Epea bete da eta hartutako konpromisoaren %28 inguru baino ez da bete, askoz gutxiago Espainiako Estatuan (%13) eta Hego Euskal Herrian. Iruñean mobilizazioa iragarri dute.


2017-09-22 | Euskal Irratiak
Hogeita bost iheslari aterpetu dituzte Baionako atseden zentroan

Astearte gauean etorri dira 25 errefuxiatu Parisetik Baionako AFPA zentrorat. Hor egoiten ahalko dira abenduaren 31 arte.


2017-09-19 | Xalba Ramirez
Zierbenako migratzaileen kasua sentsazionalismoz informatu izana salatu du Ongi Etorri Errefuxiatuak taldeak

Bizkaiko Ongi Etorri Errefuxiatuak taldeak salatu du Zierbenan 30 migratzaileren atxiloketari hedabideek emandako trataera sentsazionalista: “Merkantilizaziora jotzeak, kazetaritzako jazarpen-teknikak erabiltzea edo ikuskizun bilakatzeak atsekabetzen gaitu”.


2017-09-12 | Hiruka .eus
Iaz Mediterraneo itsasoan 5.000 errefuxiatu hil zirela salatu dute Ereaga hondartzan

Joan den zapatuan, hilaren 9an, errefuxiatuen aldeko ekimena egin zuen Ongi Etorri Errefuxiatuak plataformak Algortako Ereaga hondartzan. Gainera, 2016an euren herrialdeak utzi behar zituzten 5.000 pertsona baino gehiago Mediterraneo itsasoan ito zirela salatu zuten, "aurreko urtean baino %25 gehiago!".


2017-09-11 | Xalba Ramirez
Espainiako Poliziak hogei gazte migratzaile atxilotu ditu Zierbenan

Espainiako Poliziak jatorri albaniarreko hogei bat gazte atzeman ditu igandean Zierbenako migratzaileen akanpalekutik. Porsmouth-era (Ingalaterra) doan ferryan ezkutuan bidaiatzeko asmoa omen zuten.


Eguneraketa berriak daude