Zubietako errauskailuaren lanak etenda
Gipuzkoako Hondakinen Kudeaketa (GHK) partzuergoaren administrazio kontseiluak gaur goizean egindako bilkuran erabaki du bertan behera uztea Zubietan errauste planta eraikitzeko lanak. GHKk ohar baten bidez 17:00etarako egin die dei kazetariei albistearen zehaztapenak Zubietako Artzabaleta orubean bertan emateko.
Erraustegiaren lanak bertan behera utzi ditu GHKk.
Kazetariei bidalitako deialdian dio hitzez hitz:
"Zubietako errauste planta, prentsaurre deialdia. Zubietako errauste plantaren eraikuntza lanen exekuzioa bertan behera uzteko GHK SAUren Administrazio Kontseiluak hartutako erabakia azaltzea. (...) Prentsaurrekoa: 17.00etan. Emalea: GHK-eko Administrazio Kontseilua. Hizlaria: GHK-ko Presidente Ainhoa Intxaurraundieta".