Bilboko Zorrotzaurreko penintsula irla bihurtzeko proiektuaren obrak datorren asteazkenean jarriko dira martxan. 20,9 milioi euroko aurrekontua izango duen obrak “hiriaren fisionomian” aldaketa nabarmenak eragingo dituela iragarri du Bilboko Udalak.
16 hilabetez luzatuko dira lanak eta Udalaren esanetan Bilbon uholde arriskua murriztuko du. Ibaiko uren maila metro erdi eta metro bat artean jaitsiko dela ere esan dute.
Jose Luis Sabas, Bilboko Obra eta Zerbitzu zinegotziaren esanetan “mende honetako obra” izango da Zorrotzaurrekoa.
5.500 etxebizitza berri
Covadonga Solaguren Etxebizitza, Lan eta Gizarte Politikako zinegotzi ordeak azpimarratu du Bilbo birsortzeko lanetan "mugarri" izango dela Zorrotzaurreko obra. Uharte bilakatuko denaren urbanizazio lanak 2015. urte amaieran hasiko dira, 5.500 etxebizitza inguru eraiki nahi dituzte bertan.
Sabasek eta Solagurenek jakinarazi dute 500 metro zuzen zulatuko direla, kanala eta Bilboko ibaia elkartzeko.
Zorrotzaurre uharte bilakatuko denez, 75 metroko zubia eraikiko dutela ere iragarri dute, irla eta ibaiertza konektatzeko.
Autoentzako lau bide izango ditu, eta oinezkoentzako bi, zubiaren alde banatan. Horietako batek bizikletentzako bidegorria ere izango du.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Iaz ireki zuten Supersurraren fase berria. Bilboko azken haran naturala porlanez zikindu ostean, bidesaria ordaintzeko prest dauden gidariek, eta erratuta Supersurrera sartzen diren horiek, minutu pare bat irabazi ahal dizkiote erlojuari.
Eraikuntza enpresek dezente gehiago... [+]
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]