Euskoa Europako tokiko moneta garrantzitsuenen artean kokatu da urtebetean

  • Ipar Euskal Herriko tokiko monetak urtea bete du berriki, eta ez nolanahi: Euskoaren webgunean irakurtzen ahal denez, Frantziako Estatuan erabiltzen diren 20 tokiko moneten artean garrantzitsuena da, eta Europan bigarren edo hirugarrena.

ARGIA @argia
2014ko otsailaren 04a
Euskoak (Isabelle Miquelestorena).

2013ko urtarrilaren 31n abiatu zen euskoa, bere alde 800 erabiltzaile eta 192 enpresa buru zituela. Urtearen amaieran ondo lodituta zituen kopuruak: 2.700 erabiltzaile eta 500 enpresa eta elkarte.

Garaitsuan egindako inkesta baten arabera, hainbat arrazoi ageri dira arrakastaren atzean: bertako komertzioa sustengatzea (%33), Ipar Euskal Herriko ekonomia dinamizatzea (%30), praktika etikoak laguntzea (%17,67) eta euskara sustatzea (%14), besteak beste.

Euskoak, halaber, elkartasun ekimen zehatzak eragiten ditu. Euskoaren erabiltzaileen %25ek artean sartu gabea zen salgune batera jo du, euskoa onartzen zutela jakinik, eta %62k, berriz, bi salguneri edo gehiagori zabaldu dio atea.

Euskoak bezero berriak ekarri dizkie, beraz, moneta bere egin duten komertzioei. Euskoa eurora aldatzean, %5eko komisioa ordaitzen da, elkarteen %3ko emaitza finantzatzeko. Eta emaitza horiek euskotan ordaintzen dira, saretutako komertzioetara jotzeko.

Enpresen %90ak 2014 urterako kidetza berritu du, eta kanpo gelditu diren %10 horien erdiena jarduera gelditu dutelako izan da. Oro har, hartzen dituzten euskoen %71 hornitzaileak eta soldatak ordaintzeko erabiltzen dituzte enpresariek.

2013ko urte amaierako inkestak dioenez, %87k ez dute euskoa eurora aldatzeko beharrik izan eta %93ri ez zaio kontabilitatean eragozpenik sortu. %87k uste du ingurumenaren eta euskararen alde hautatutako desafioak ez direla zailak, eta %35ek dagoeneko tokiko hornitzaileak lehenesten dituzte euroa berrerabiltzearren.

Informazio gehiago:

Euskal Monetari buruzko albisteak eta bideoak ARGIAren Euskoa kanalean.

Kanal hauetan artxibatua: Euskoa  |  Moneta politika

Euskoa kanaletik interesatuko zaizu...
2017-03-13 | Kanaldude.tv
Eusko Karta
MULTIMEDIA - solasaldia

2015eko ezohizko biltzar nagusian Euskal Monetako kideek aho batez bozkatu zuten ordainketa numerikoa bidean ezartzea. Bi urte iragan dira, hainbat desmartxa administratibo gainditurik, martxoaren 19tik aurrera posible izanen da Euskokartaren baliatzea. Txartelaz eta Euskoaren inguruko emankizunean Battitt Crouspeyre eta Xumai Murua bertsolariak eta Aire Ahizpak ere kantari izango dira.


EuskoKarabana: hilaren 9tik 18ra euskoaren euskarri elektronikoa bultzatuko dute

Ipar Euskal Herriko tokiko moneta, euskoa, bultzatzeko karabana bat abiaraziko dute martxoaren 9tik 18ra bitarte. Baigorrin emango diote hasiera karabanari, Baionan amaituko da 18an, eta 19an Eusko Eguna ospatuko dute hor bertan.


Euskoaren bertsio digitala bultzateko crowdfunding-a martxan da

Euskoarekin ordainketak Internet bidez eta txartelarekin egin ahal izango dituzte Ipar Euskal Herriako biztanleek, Euskal Moneta elkarteak proposatu duen berrikuntzarekin: EuskoKarta, euskoaren bertsio digitala. Pauso honekin, ordainketa numerikoa eta billeteak batzen dituen lehenengo tokiko moneta osagarria izango da. Erronka aurrera ateratzeko “crowdfounding” bat martxan jarri dute, martxoaren 19rako 30.000 euro lortzea espero dute.


Ordainketa elektronikoetara saltoa egingo du Euskoak

Eusko monetak beste aurrerapauso bat eman nahi du eusko numeriko edo digitalaren sorrerarekin. Monetatik abiatu zen proiektuak ordainketa digitaletara ere iritsi nahi du, interneteko kontuak eta ordainketa txartelak abian jarriz.


Ordainketa elektronikoetara saltoa egingo du Euskoak

Eusko monetak beste aurrerapauso bat eman nahi du eusko numeriko edo digitalaren sorrerarekin. Monetatik abiatu zen proiektuak ordainketa digitaletara ere iritsi nahi du, interneteko kontuak eta ordainketa txartelak abian jarriz. Prozesuan parte hartzeko abenduaren 1ean Baionan egingo den ezohiko biltzarrera joateko gonbita egin dute.


2015-04-08 | Igor Agirre
Euskoaren txartel magnetikoaren izena eta irudia lehiaketa bidez aukeratuko dituzte

Ipar Euskal Herriko Eusko tokiko monetaren txartel magnetikoa martxan jarriko du 2015ean Euskal Moneta elkarteak. Ordainketak egiteko txartelaren izena eta irudia aukeratzeko lehiaketa martxan jarri dute.


Moneta sozialez nazioarteko mintegia Arrasaten

Tokiko ekonomia eta kontsumo ereduak eraldatzeko moneta sozialek sortzen dituzten aukerez hitz egingo dute ostegunean Garaia Berrikuntza Gunean.


Ekonomia bertokiratzetik zonbiak hiltzerainoko planak dituzte Amikuzen otsailean

Amikuzeko Zabalik elkartearen otsail ostegunetako zita klasiko bihurtzeko bidean da. Aurten zer antolatu duten iragarri dute eta, gaien ugaritasuna eta gaurkotasuna ikusirik, emango dute zeresan franko.


2014-11-18 | Nerea Ibarzabal
Euskoa, moneta elektroniko bilakatzeko bidean

Euskal Moneta elkarteak ezohiko biltzarra egingo du ostegunean Baionan, Euskoak moneta elektroniko gisa ere funtziona dezan 2015etik aurrera.Transferentziak, kentzeak eta txartel bidezko ordainketak egiteko aukera emango du horrek, Enbata.infok azaldu duenez.


2014-09-03 | Judith Perez
EEPk laguntzak emango ditu Euskoa erabiltzen duten saltokien kartelak euskarara itzultzeko

Euskararen Erakunde Publikoak (EEP) eta Euskal Moneta elkarteak hitzarmena sinatu dute Euskoa erabiltzen duten saltegiak euskalduntzen laguntzeko xedearekin. Urte bukaerara arte 152 saltokiren kartelak euskarara itzuliko dira ekimen honi esker.


Azkenak
EGILEA
Eguneraketa berriak daude