Frantziako Gobernuak Notre-Dame-des-Landes herriko aireportuaren proiektua atzera bota du berriki, baina ZIRA ekimenaren kontra egin du orain: Lejuc basoko erresistentzia gunean bizi den jendea kanporatzen saiatu da ostegunean Frantziako Polizia.

Cigeo Bury da hondakin nuklearrak gordetzeko lurpeko depositu bat eraiki nahi duen proiektua. Hogei hilabete dira Cigeoren aurkariak Bure-ko Lejuc basoan erresistentzia kanpamendua antolatu zutenetik. Zuhaitzetan etxolak egin dituzte, eta han bizi dira.

Ostegunean kanporatuak izan ziren arren, ZIRA ekimeneko kideek basora itzultzeko asmoa adierazi dute : "Ez dugu amore emango, basoa defendatzen jarraituko dugu. Atzokoa kanporatze sinbolikoa izan zen, gobernuaren komunikazio estrategia bat".