Zerrenda bakarraren aurkako legea onartu du Nafarroako Parlamentuak
Hezkuntzako lan deialdietan hautagaiak zerrenda bakarrean aurkeztearen aurkako lege proposamena onartu du Nafarroako Legebiltzarrak. Hau da, elebidunek aukeratu egin beharko dute zein hizkuntza esparrutan jardun nahi duten: euskarazkoan ala gaztelaniazkoan. Euskaldun elebidunek bi esparruak hautatu nahi izanez gero, bi azterketa gainditu beharko dituzte. Ezkerraren aldeko botoa erabakigarria izan da legea onartzeko.
Pasa den azaroan aurkeztu zuen lege proposamena PSNk, Nafarroako Gobernuak Hezkuntzako oposizioetan zerrenda bakarra osatzeko asmoa zuela jakitean. Lehen unetik oposizioaren babesa izan du, UPN eta PP alderdienak bereziki. Legea onartzeko giltza, halaber, Ezkerrak izan du eta aldeko 26 boto lortuta aurrera atera da zerrenda bakarra ez osatzearen ekimena. Aurkako 24 bozka izan dira. Gobernua osatzen duten alderdiek adierazi dute Nafarroaren errealitate linguistikoa “baztertu” eta euskaldunen eskubideak zapaltzen dituela lege horrek.
Zerrenda bakarra eratzearen aldeko aldarriak behin eta berriz errepikatu dira hilabete osoan. Besteak beste, Kontseiluak dei eginda, manifestazio jendetsua egin zuten abenduaren 16an Iruñeko kaleetan. Milaka euskaltzale atera ziren bazterkeriaren aurka egin eta euskaldunen eskubideak defendatzera.
Ekimena bertan behera
Urriaren hasieran erakutsi zuen Nafarroako Gobernuak Hezkuntzako deialdietan zerrenda bakarra osatzeko asmoa. “Aukera berdintasuna askoz hobea bermatu eta prestakuntza handiena dutenei mesede egiteko” xedea zutela nabarmendu zuen Maria Solana Hezkuntza kontseilariak. Sindikatu nahiz eragile sozialek babesa erakutsi badiete ere lege proposamenari, Nafarroako Legebiltzarra osatzen duten oposizioko taldeek tinko eutsi diote aurka egiteko erabakiari.
Gaur egun indarrean den sisteman, irakasle izateko hautagaiek aukeratu egin behar dute euskarazko zerrendan sartu nahi duten ala gaztelaniazkoan; ondorioz, euskara aukeratu dutenak D ereduko ikastetxeetarako baino ez dituzte deitzen, eskolak gaztelaniaz emateko gai izan arren. Hezkuntza sektoreko eragileek askotan salatu dute Nafarroa dela modu horretan diharduen erkidego bakarra.
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
Neskek gaitasun matematiko eta zientifikoekiko txikitatik duten pertzepzio, autopertzepzio eta bizipenen eraginez, zientzia arloko ikasketei muzin egin eta bestelako karrerak aukeratzen dituzte. Hala dio ikerketa berri batek.
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Hirugarren urtez Xiberoako ikastolei bultzada emanen die Tulalaika bestak.