Zer dago Mercadonaren irabazi ekonomikoen atzean?

  • Mercadonaren arrakasta ekonomikoaren atzean laneko erasoak, elikagaien inportazioa eta merkataritza txikiaren eragozte eta oztopatzea daudela azaldu du Esther Vivasek bere blogean.

Ainhoa Bretos @ob_ainhoa
2016ko azaroaren 28a

Mercadonaren irabaziak gero eta handiagoak direla adierazi du Juan Roig enpresako buruak. Izan ere, 2015ean 611 milioi euro irabazi zituen Mercadonak, 2014an baino %12 gehiago. Arrakasta ekonomiko horren atzean dauden arrazoiak aztertu ditu Esther Vivas-ek.

Horren arabera, laneko erasoak ohikoak dira Mercadonan. Besteak beste, 2015ean enpresa kondenatu zuten Valentziako guneko bi langilek jasotako sexu erasoengatik, eta Fragako (Huesca) Mercadonan ere hainbat eraso kasu eman zirela salatu zuten 2014an. 2013an zazpi urtez lanean egondako langile bat kaleratu zuten, CGT-LKN sindikatuko ordezkari izendatu ostean. Eta bidegabeko kaleratze bat dela eta, kalteak ordaindu behar izan zizkion konpainiak 2006an enplegatu bati.

Horrez gain, Mercadonako protokoloaren arabera, haurdunaldi, istripu edota gaixotasun kasuetan, dendako koordinatzaileari eman behar zaio abisu. Hori enpresako medikuarekin jarriko da harremanetan, langileak euren medikura joatea ekiditeko, eta modu horretan, bajak enpresatik kudeatzeko. Medikuak egunero deituko dio langileari hau sendatu den ikusteko.

Nekazari, abeltzain eta hornitzaileek ere salatu izan dute enpresa hainbatetan, ekoizpen prezioa baino baxuagoa den salneurri batean merkaturatzeagatik. Modu horretan, enpresak merkataritza txikia oztopatu egiten duela adierazi dute. Horrez gain, bertako produktuak saltzen dituela adierazi du sarri Mercadonak. Etiketei arreta jarrita, aldiz, ikus daiteke elikagaiak urruneko herrialdetatik inportatu egiten dituela, estatuko produktuak deslokalizatu eta irabaziak handituz.

Kanal honetan artxibatua: Merkataritza

Merkataritza kanaletik interesatuko zaizu...
2018-05-27 | Mikel Zurbano
Lidergo globala

Ameriketako Estatu Batuek (AEB) Txinako produktuen inportazioei ipinitako mugak arrabotsa sortu du zergen inguruan. Zurrunbiloaren hasieran, Txinako aluminioaren eta altzairuaren inportazioei arantzelak igoko zizkiela iragarri zuen Donald Trumpek. Txinaren erantzuna AEBetako 128 ondasunen inportazioak zamapetzea izan zen. Ondoren, Washingtonek erabaki zuen Txinatik inportatutako ondasun ugarirentzat muga zergak handitzea. Lehia arriskutsua ireki da inondik ere.

Nolanahi, Txina bi arlotan... [+]


Ardoa, minagre

Sarako Joanes Etxeberrik, gauzak modu ilunean eta era desegokian azaltzen ibiltzea irudikatzeko, honela idatzi zuen hamazortzigarren mendean: “Arnoa kridatzen dute, eta minagrea saltzen”. Hau da, ardoa aldarrikatu, eta, haren ordez, ozpina eman.

Segitzen du Etxeberrik bere irakurketarekin: “Sugearen propietatea dute (ardo-saltzaile horiek): sugeak xistuz dagoela ausikitzen du”. Hartara, txirulari txerrena, delako suge hori.

Exeberriren narrasti musikaria kiribildu... [+]


2018-02-05 | Xabier Letona
"Ez zait kostatzen iristea, bertan bizi naiz eta bertan kontsumitu"

Eztabaida zorrotza piztu da Iruñeko Alde Zaharrean merkataritza txikiaren egoera estuaz. Iragan udazkenean sartu zen indarrean Iruñeko Udalaren mugikortasun plan berria eta honek, funtsean, espazio gehiago ematen dio oinezkoari eta gutxiago autoari. Merkatarien elkarteari, ordea, ez zaio gustatu eta Udalaren aurkako kanpainari ekin dio, auzora eta Iruñera oro har, eztabaida zorrotza ekarriz.


10 saltokitik 9k euskaraz eman lezakete zerbitzua Tolosan, paisaia linguistikoan islatzen ez den arren

Galtzaundi euskara taldeak eta Tolosa&Co elkarteak estreinakoz elkarlanean osatu dute, herriko establezimenduen euskararen diagnosia; ezagutza bistaratu beharraz ohartarazi dute.


2017-12-13 | Unai Brea
Merkataritzaren Munduko Erakundearen gailurra asteazkenean bukatuko da Buenos Airesen, protesta artean

Abenduaren 10etik 13ra bilduta dago Munduko Merkataritza Erakundea (MME) Buenos Airesen. Gai-ordenan, besteak beste, nazioarteko salerosketetarako arau berriak adostea eta merkataritza elektronikoaren liberalizazioa daude. Milaka lagunek protesta egin dute gailur osoan zehar, MMEri “herrien eta naturaren espoliazioa” arautzeko helburua baizik ez duela leporatuta.


2017-12-07 | Ander Pobo
Merkataritza askeko akordioak: ez dira lege naturalak

Cheap food, high wage —ogia merke eta soldata altuak—. 1848an, horiek ziren sustatzaile sutsuen hitzetan Ingalaterraren eta Frantziaren artean zerealak eta beste lehengai batzuen truke askearen hitzarmenak ekarriko zituen onurak; langileen onarpena lortu ahal izateko. Gaur egun, ia 170 urte geroago, merkatu internazionala gobernatzen duten merkataritza librearen hitzarmenen kopuruak goranzko joera hartu du.


2017-11-10 | Axier Lopez
Bilboko Mercadonak ateak itxiko ditu Udalak legez kontra lur-saila birkalifikatzeagatik

Miribillako Urretxindorra Ikastolaren patioa zenaren lurren kalifikazioa aldatu zuen Bilboko Udalak, Mercadonak bere supermerkatua egiteko. Lurrak legez kontra birkalifikatu zituela ebatzi du EAEko Auzitegi Gorenak. Beraz, supermerkatu kate handiak ateak itxi beharko ditu Bilbon.


Hondarribia-The Village Outlet Shopping, EAJk aurrera atera nahi duen astakeria urbanistikoa

40.000 metro koadro, 100 saltoki, 1.000 autorentzako aparkalekua eta urtean 5 milioi bisitari aurreikusten ditu Zaldunbordan (Hondarribia eta Irun artean) egin nahi duten megaproiektu burugabeak: Espainiako Estatuan Bartzelonak eta Madrilek baino ez duten moduko outlet merkataritza-herri bat. Hondarribiko EAJk burutu duen esleipenaren atzean irregulartasunak eta interes ilunak salatu dituzte.


Artea merkatal guneko langileen deia gerentziari: errespetatu gure eskubideak

Leioako zentro komertzial pribatuko saltokiak lan-hitzarmena ez betetzera “animatu” ditu hango gerentziak, ELAren esanetan. Langileek bilkura egingo dute gaur, eguneroko oztopoekin amaitzea eskatzeko.


Era askotako enpresak bilduko ditu Ekonomia Solidarioaren IV. azokak Bilbon

Ekonomia Solidarioaren IV. azoka  ospatuko da azaroaren 19 eta 20an Bilboko YIMBY gunean. Merkatu sozialean parte hartzen duten enpresen “erreferentzia gune” izatea du helburu ekimenak.


Azkenak
EGILEA
Eguneraketa berriak daude