'Zadorra bizirik' jaio da, Arabako ibaiak babesteko plataforma

Artikulu hau CC BY-SA 3.0 lizentziari esker ekarri dugu.

2016ko maiatzaren 13an - 12:28
Hilaren 12n aurkeztu zuten Zadorra Bizirik Arabako ibaien aldeko plataforma. (Arg.: Arabako Alea).

Talde berriari lurraldeko ibairik "nabarmenaren" izena jarri diotela azaldu dute agerraldian, baina Arabako ibai guztiekin lan egingo dutela argi utzi dute plataformaren bozeramaileek.

"Arabako ibaien %70a egoera txarrean dago, URAk egindako txostenaren arabera. Diagnostiko honekin bat gatoz eta aldatu beharra dago", azaldu dute agerraldian.

Gizarte eta ingurumen mailako eragileek, alderdi politikoek eta hainbat norbanakok osatzen dute Zadorra Bizirik plataforma eta honen sorrera lehen urrats bat dela azaldu dute. "Arabako ibaiak berriro ere espazio publiko biziak izatea nahi dugu".

Plataformaren helburua Arabako ibai guztien egoera ekologiko eta kimikoa ona izatea lortzea da eta modu honetan, gizakion osasuna babestea, hornidura ziurtatzea eta ekosistema naturalak eta biodibertsitatea berreskuratzea: "Hori lortzeko neurri zehatzak eskatuko dizkiegu erakundeei".

Zadorra Bizirik manifestua ere aurkeztu zuten ostegun goizeko agerraldian.

(Albiste hau Arabako Aleak argitaratu du eta CC-by-sa lizentziari esker ekarri dugu ARGIAra)

 


Kanal honetatik interesatuko zaizu: Ibaiak
Ur kontsumo arduratsua lantzen hasi eta erreka garbiketa herrikoia antolatzen bukatu dute Legutioko ikasleek

Ikasleekin uraren gaia lantzeak askorako eman du Legutioko Garazi eskolan: ikastetxeko komunetako iturri eta dutxetan ura alferrik ez galtzeko modua ezarri dute, eskolako ortuan euri ura aprobetxatzeko sistema planteatu dute eta herriko errekatik zaborra ateratzen 70 bat lagun... [+]


Alfredo Ollero Ojeda
“Ibaiak haien ibilguetan gero eta sakonago hondoratzen ari dira”

Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]


2023-02-12 | Estitxu Eizagirre
“Ta argiya iñ zan” emanaldia
Energiaren dilemak Urumea ibai barrutik

Ibai ondoan bizi dira Ainhoa Gutiérrez del Pozo eta Eli Pagola Apezetxea. Zentral hidroelektrikoekiko jakinminari tiraka hasita ikerketa eta zinema uztartzen dituen arte esperientzia prestatzen ari dira, Hernaniko Sormen Bekari esker: arte ikerketa honetan, harremanetan... [+]


Eguneraketa berriak daude