Barcinak azalpenak emango ditu Parlamentuan ikerketa batzordearen ondorioez
Nafarroako Gobernuko presidentea Goicoechea auziko ikerketa batzordea ondorioez ariko da Legebiltzarrean. Batzordeak dimititzeko eta hauteskundeak aurreratzeko eskatu zion.
Astelehenean Parlamentuko bozeramaileen batzarrean erabaki zen Barcinaren agerraldia, Bilduk egindako proposamenaren ostean. Maiorga Ramirez Bilduko bozeramaileak gobernuaren arduragabekeria azpimarratu du: “Badirudi Nafarroako Gobernuak begiak estali nahi dituela, ezer gertatuko ez balitz bezala jokatuz”.
Carlos Garcia Adanero UPNko bozeramaileak presidentea ganberan “kasuari buruzko azalpen guztiak emateko prest” agertuko dela adierazi du. Gobernatzen jarraitu behar dutela eta Parlamentuak herritarren "kezka nagusiez" arduratu behar dituela azpimarratu du.
PSN-n ez dute “ezer” espero Barcinaren agerralditik. “Betiko gauza bera” entzungo dutela adierazi du Juan Jose Lizarbe bozeramaileak, presidenteak argi utzi duelako ez duela ezer egingo, sozialisten esanetan.
PSN, Bildu, Aralar, Izquierda-Ezkerra eta Geroa Baik ikerketa batzordearen ondorioak onartu zituzten joan den ostegunean, UPN eta PPNren aurkako bozekin. Yolanda Barcinaren dimisioa eta hauteskundeen aurreratzea eskatu zuten.
Salatu dute Espainiako Gobernuko aurrekontuen erdia baino gehiago trenaren lanetara bideratuko dela. Ekintzarekin gogorarazi nahi izan dute duela hamar urte AHTren aurka kexatzeko egindakoa: Yolanda Barcina orduko Nafarroako lehendakariari tartak bota zizkioten.
Gobernua babesten duten lau alderdiek eskatu dute presidente ohien agerraldia batzordean. Enrique Goñi Nafarroako Kutxako presidenteak bere burua eskaini du batzorde horretan agertzeko. Jose Antonio Sarria Enpresarien elkarteko presidentea, Jose Antonio Asiain Banka... [+]
Telefónicak Yolanda Barcina Nafarroako Gobernuko lehendakari ohia fitxatu duela zabaldu du Hispanidad.com webguneak.
Oraindik Nafarroako Gobernuko lehendakari den Yolanda Barcinak UPNko lehendakaritza ere utziko duela zabaldu du gaur Diario de Navarrak.
Iruñeko karrikak kolorez eta musikaz girotuko dituzte maiatzaren 28tik 31ra, Iruñea After Barcina, Nola? Fest jaialdiarekin. Egitarau oparoa prestatu dute astebururako, kontzertuak eta desfilea besteak beste.