Xarriton eta 'Txillardegi' omenduko ditu EIE-k bere 25. urteurrenean
Euskal Idazleen Elkarteak (EIE) Piarres Xarriton eta Jose Luis Alvarez Enparantza Txillardegi omenduko ditu larunbatean (15) Durangoko (Bizkaia) Plateruena kafe antzokian, elkartearen 25. urteurrenaren harira. Ekitaldi horretan Castillo Suarez idazle nafarrak poesia, pintura eta musika uztartuko dituen Mugarri estaliak ikuskizuna eskainiko du.
Euskaltzalearen ekarpena nabarmendu eta Udal Liburutegia 'Txillardegiren izenean jartzeko' eskatu dute omenaldian.
Txillardegi Udal Liburutegia Herri Ekimenak, urtero bezala, aitortze ekitaldia egingo dio Donostiako politikari, hizkuntzalari eta idazleari. Beste behin eskatuko dute Donostiako Udal Liburutegi Nagusiari bere izena jartzea.
Ikusgela proiektuko bideo baten aurka jo du Covitek. Argudiatu du Txillardegiren irudia “zuritzen” duela, eta ETAk eragindako biktimak “iraintzen” dituela bideoan bera “euskal kulturaren salbatzaile” gisa aurkezteak.
Urte berriarekin batera, Txillardegi Udal Liburutegia herri egitasmoak tradizio bihurtu du Txillardegi bera omentzeko eguna. Haren heriotzaren XI. urteurrena gogoratzeko ekitaldia hilaren 14an egingo dute, 12:00etan, Txillardegi plazan –Antiguako Gaskonia plazan–... [+]