Euskara Jendea: gure hizkuntzaren historia, gure historiaren hizkuntza dokumental-sorta datorren udaberrian estreinatuko dute Ibaizabal-Mendebalde eta Zenbat Gara kultur elkarteek. Xamarrek 2006an Pamielarekin argitaratutako izen bereko liburua du abiapuntu ikus-entzunezko proiektuak. Trailerra ikusgai dago jada.
“Euskararen eta bere herriaren historia” biltzen duen lana 45 minutu inguruko sei ataletan banaturik dago: Historiaren atarian, Erromako Inperioan, Aniztasunaren bidean (Erdi Aroa), Mugetan gaindi (Aro Modernoa), Gerren arteko pizkundean (XIX. mendea) eta Mundua osatzen (XX-XXI).
Besteak beste, honakoen hitzak jaso dituzte dokumentalean: Joaquin Gorrotxategi eta Neskuts Izagirre EHUko irakasleak, Nodge Nolan Colchester Roman Society elkarteko kidea, Antonio Breschi konpositore eta piano-jotzailea, Miren Egaña Goya Batxillergo Institutuko Euskara katedradun ohia, William Douglass Nevada-Renoko Unibertsitateko Euskal Ikasketen Zentroaren bultzatzaile nagusia, Jon Sarasua irakaslea eta Iratxe Esnaola PuntuEus elkarteko kidea.