Xabi Alonsoren ustezko iruzur fiskalaren kasua aztertuko dute berriro

  • Madrilgo Auzitegiak Consuelo Madrigal fiskal nagusiaren errekurtsoa onartu du, eta Xabi Alonsoren ustezko iruzur fiskala ikertzeari berrekingo dio, El Mundo egunkariak zabaldu duenez.

Xabi Alonso, artxiboko irudi batean.
Artikulu hau CC BY-SA 3.0 lizentziari esker ekarri dugu.

2018ko urtarrilaren 16an - 08:36

Espainiako Zerga Agentziak 2015. urtean abiatutako ondasun pertsonalei buruzko ikerketa batean topatu zituen futbolari ohiaren ustezko lehen delitu zantzuak. 2010tik 2012ra bitartean –Real Madrilen jokatzen zuen orduan– aitortu gabeko diru sarrera hainbat zeudela ondorioztatu zuen agentziak, irudi eskubideei lotutakoak guztiak, eta fiskaltzari iker zedin eskatu zion.

2009ko udan, oraindik Liverpooleko jokalari zela, Kardzali enpresa portugaldarrari saldu zizkion bere irudi eskubideak, 5 milioi euroren truke. Salerosketa hori, "erabat opakua" izan zela adierazi zuen Ogasunak.

Are gehiago, Zerga Agentziak diru sarreren inguruko datuak eskatu zituen, baina ez zuen erantzunik jaso. Ogasunak 2010. urteko 600.000 eskatzen dizkio Alonsori; 2011ko beste 170.000 euro; eta 1,25 milioi 2012ko irregulartasunengatik.

Madrilgo epaitegiak, ordea, kasua artxibatu egin zuen. Baina Madrilgo Fiskaltza eta Estatuko Abokatutza ikerketa etetearen aurka azaldu ziren, eta errekurtsoa ipini zuten. Kasua artxibatu zuten unean, Alonsok adierazi zuen "legea eta betebehar fiskalak errespetatu izan dituela beti". Orain, kasua berriz zabaltzea erabaki du Madrilgo Auzitegiak, futbol jokalari ohiaren jokabidea nahita egindakoa edo ez izan ote zen ikertzeko helburuarekin.

Albiste hau Tolosaldeko Atariak argitaratu du eta ARGIAra ekarri dugu CC by-sa lizentzia baliatuta


Kanal honetatik interesatuko zaizu: Ustelkeria
Ustelkeriaren normalizazioa

904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]


Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Jaurlaritzak ez zuen Zubietatik Artaxoara eramandako hondakinen karakterizazioaren berri

Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]


Iberdrolaren kontrako isuna 85 milioi eurotik 5,4 milioira jaistea eskatu du fiskalak

Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.


Eguneraketa berriak daude