Willy Toledok esan du ez dela epailearen aurrera joango

  • Guillermo Toledo aktoreak Facebook bidez jakinarazi du ez dela epailearen aurrera joango apirilaren 18an. Epaiketara deituta zegoen Jainkoa eta Ama Birjinaren inguruan Facebooken iritzia emateagatik, eta ironiaz erantzun die epaile “txit prestuei”.


2018ko martxoaren 19an - 11:20
Arg: Insurgente

“Nire ateismoari eta santutasuna eta birjintasunari ‘iseka’ egiteko dudan joera setatsuari erantzuteko epailearekin, fiskaltzarekin eta ‘Mary Birjinintxoaren’ abokatuekin ezarritako zitazioa apirilaren 18an izango da, Madrilgo Plaza de Castillako epaitegietan”, idatzi du Willy Toledok.

Sare sozialean argitaratutako mezuan esaten du ez duela bere bizitzako “segundo bakar bat ere” galduko epailearen aurrera joateko. Bestalde, datozen egunetan bere kokapena zein izango den jakinarazi du, bere bilaketa “errazteko”: “Apirilean Teatre Lliure de Gràcian izango naiz, Bartzelonan, 19:00ak eta 22:30ak artean. Data horretatik aurrera, nire Madrilgo etxean aurkituko nauzue, zeina sobera ezagutzen baituzuen, azkenengoz bertara bidali baitzenituzten zuen ‘txikitoak’”.

Ironiaz betetako mezua zabaldu du Willy Toledok, eta horrela agurtu du komunikatua: “Adeitasunez agurtzen zaituzte gizon libre, ateo, komunista eta terrorista batek”.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude