Willkommen, bienvenue, welcome

  • 20 urtez Zumaian antolatu den Zakila Bira lasterketa desegin eta, turismoa eta kirola sustatzeko, Euskal Kosta Krosa sortu dute bere ordez. Pakete turistikoak eskainiko zaizkie mataroi erdi horretan izena ematen dutenei.

Baleike @baleike  |  Juan Luis Romatet
2017ko abuztuaren 09a

Gremio honetan lanean nabilen urte hauetan hainbat Zakila Bira lasterketaren berri eman dut. Fran Aizpuruaren telefono deia jasotzen nuenean esanaz korrikalari ohi bat omenduko zutela, hor ikusten nuen beste urtebete igaro zela eta lasterketa berriro gainean genuela.

Omendu hauei elkarrizketa egitea eskatzen zuen Franek, hau da, korrikalari ohi hauen batallitak entzun eta egunkarira/webgunera eramatea. Garai hartan non eta nola entrenatzen zuten, zer estadioetan lehiatu zuten eta abar luze bat kontatzen ziguten. Hor ikusten nuen zer nolako desberdintasuna zegoen orduko eta oraingo kirolaren artean. Zer nolako esfortzua egin behar izaten zuten pertsona hauek kirola egiteko eta nola, oraindik oso gazte zirela, kirola utzi behar izaten zuten soldaduskara joateko edo bizimodua aurkitzeko.

Orain Zakila Bira lasterketa kendu dute eta ez dute esan zergatik hartu duten erabaki hori. Azken urteotan partaidetza aldetik gainbehera izan dela diote. Ez da ba izango egutegia kirol jarduerez beteta dagoela? Herri bakoitzak bere lasterketa, zeharkaldia, irteera antolatzen duela? Hainbeste probetarako jenderik ez dagoela? Kirolprobaken webgunean sartu naiz eta egun horretarako, irailaren 30erako, bederatzi proba daude aurreikusita eta Herrikrosarenean beste bi. Hori Euskal Herrian bakarrik. 

Haren ordez Euskal Kosta Krosa izeneko lasterketa berri bat antolatu dute eskualdeko udalerriek. Kostako errepideak duen ustezko xarma batez baliatu dira lasterketa berri hau antolatzeko. Ostegunean egin zen aurkezpen ekitaldian izan nintzen eta, hasteko, bazen harritu ninduen zerbait: kirol proba bat izanda, Foru Aldunditik etorritako ordezkariak ez zuen kirolarekin loturarik; turismo zuzendaria etorri zen. Ez hori bakarrik. Lasterketa berri baten aurkezpena izanda, hitz egin zuten ordezkari politikoek (bost lagunek) oso gutxi hitz egin zuten karrera berari buruz; turismoaz eta horrek ekar dezakeen ekarpen ekonomikoaz hitz egin zuten hein handi batean. Kanpotik etorriko direnak eskualdeko nekazalturismoetan egongo direla, herri bakoitzeko eskaintzarekin lotutako pakete turistikoak eskainiko zaizkiela, etab. Gutxi hitz egin zen kirolaz.

Zarauzko alkateordearen hitzek oraindik eta gehiago konfirmatu zituzten nire susmoak: “Kirolarekin lotutako turismoa bultzatu nahi dugu eta lasterketa honek hori bideratzen du”. Kirola egin dezagun, osasungarria da eta, baina, adi, ea parte-hartzaileak kanpotik etortzen diren eta horrela hemengo eskaintza turistikoa salduko diegu. Inpresio hori atera nuen. Turismo hitza behin eta berriz. Turismoa diru iturria da, hala da. Baina gauza bat da dugun eskaintza turismorako egokitzea, beti neurriarekin, eta bestea prestatzen den (ia) guztia turistentzat espresuki sortutakoa izatea. Eta kros berri honek horren itxura du.

Oier Aranzabalek Zuzeun argitaratutako Zarautz, ostalariak eta ‘Los 40 summer live’ artikulua ekarri dit burura. Igande honetan Zarautzen egingo den 40 principalesen kontzertuaren harira, zera dio: “Zarauzko Udalak kultur politikak, kultur eragile eta sortzaileentzat baino, ostalarientzat diseinatzen ditu”. Karrera berri honekin ez dakit antzeko zerbait ez den gertatzen, hau da, kros berri bat sortu dutela kanpotik etorriko direnetan pentsatuta. Hala egin nahi badute, bejondeiela, beraien erabakia da. Baina, 20 urtetik gorako karrera bat, Zakila Bira, bertan behera utzi behar al zuten horretarako? Agian xarmarik ez zuen izango.

Iritzi artikulu hau Juan Luis Romatetek idatzi du Baleiken eta Creative Commons lizentziari esker ekarri dugu.

Kanal hauetan artxibatua: Iritzia  |  Kirola  |  Zumaia  |  Zarautz  |  Getaria  |  Turismoa

Iritzia kanaletik interesatuko zaizu...
2018-06-24 | Jon Torner Zabala
Umorea eta botere harremanak
Irriak norabide berean kolpatzen duenean beti...

Zer da umorea? Galdera inuzentea dirudiena korapilatu daiteke nahi bezainbeste. Zergatik egiten dugu barre gauza batzuen inguruan eta besteez ez? Natural ateratzen zaigu irria, ala zer eta noren gainean barre egin irakatsi egin digute?

Umoreak ia beti egiten baitu boterearen alde, goitik behera maiz. Nor den subjektua eta nor objektua. Nork nori. Horra gakoetako bat. Generoa, arraza, identitatea, naziotasuna… umoreak ditu hierarkiak markatzen. Naziotasun-identitateari heldu diogu... [+]


Ilusioak, utopiak

Utopikoa nintzelako, selektibitatearen aurka nengoen 1982. urtean azterketa hura egitea egokitu zitzaidanean. Orduan ere Unibertsitatera joateko ezinbesteko baldintza zela uste dut, baina ez dut ondo gogoratzen zertarako. Izan ere, garai hartan numerus clausus zer zen ere ez nekien –edo ez nuen jakin–, eta kazetaritza ikastera ehunka sartu ginen lehenengo mailan, bostehun edo. Horietatik hamabost “euskal taldea” deitzen genuen separata batean: ikasgai batzuetan... [+]


2018-06-24 | June Fernandez
Indarkeria birtualak

Ez naiz psikologian aditua, baina badakit bidegabekeriak eta biolentzia normalizatzea norbanakoaren babes mekanismo bat dela. Ezkertiarrak eta konprometituak izan gaitezke, hala ere, indarkeriaren bat normalizatzeko “beharra” izango dugu. Gaza, Nikaragua, ez ahaztu Siria. Altsasuko gazteak, Valtonic, La Manada, Helena Maleno, Proactiva Open Arms, Mame Mbaye, Huelvan marrubiak biltzen dituzten langileak. María del Sol Cruz Jarquín argazkilaria hil dute Mexikon... [+]


2018-06-24 | Ainhoa Azurmendi
Norberaren kirol lorpenetan familia agertzea

Orain bizpahiru urte Kilian Jorneten biografia irakurtzen ari nintzela, memento batean bere gorputza muga eta muturreraino eraman zuen proba batean, amore ematear zegoela, bere barne-pentsamenduak azaltzen zituen: “Amaitu behar dut, nire familiagatik” –helmugan zain zeuden–. Nire lehen hausnarketa: “Baina familiak zer eskatu dizu ba? Norena da behar hori? Zer da zehazki demostratu behar dena?”. Zer pentsarazi eman zidaten hitz haiek. Norbere kirol lorpenetan... [+]


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-24 | Karmelo Landa
Ekaineko hamaika egun edo politikaren zingoa

Itsaskirria nabarmendu da politikaren eremuan ekaineko lehen hamaika egunetan, ohikoa baino aldakorrago jo duten haize boladen eraginez, baina ur sakonetan murgildurik, zaila eta nekosoa da politikagintzaren ur abisaletan gertatzen ari diren mugimenduak ezagutzea eta neurtzea. Nekosoa bezain beharrezkoa.

Ekainaren hasierarekin batera gertatu zen lehen ustekabea: garaile atera zen zentsura mozioa, eta ondorioz, Mariano Rajoy eta PP Espainiako Gobernutik egotziak izan ziren, azkenean. Inork ez... [+]


Fauna publikoa
Erregimenaren tenperatura

Kaleko mobilizazioak zerbaiten termometro badira, UPNren tenperaturak baxu xamar egon behar du, berri txarrak jasotzen ari baita azkenaldian: asteburuan milaka lagun elkartu dira Iruñean Altsasuko gazteen aurkako sententzia arbuiatzeko eta muntaia polizial-mediatiko-judiziala salatzeko. Beste sententzia batek, 2016ko Sanferminetako talde bortxaketaren kasukoak, milaka lagun atera zituen Iruñeko kaleetara aurtengo apirilean eta haserrea metropoli foraletik askoz harago sumatu zen.


2018-06-18 | Jean Louis Davant
Demagogiari ezetz

Behin, badu jada builta bat, ahatzerik düt noiz ote xüxen, urteak hain zalhe beitoatza, Donapaleuko klinikan nor gure aldiaren haidürü ginaudelarik barber baten bortan, ene adintsüko jente batekin elerran nüan. Gaztaroan denbora batez Amerikako Estatü Batüetan egonik zen. Laster, ez dakit zer gisaz, etorkinen aipatzera jin ginen, eta haiez gaizki erraiten hasi zeitan.


Altzako egoera urbanistikoa, eraikuntza berri bat

Azken hilabete honetan jakin dugu Donostiako Udalak Uliako Viveros-eko eremuan etxebizitzak eraikitzeari uko egin diola eta bizilagunen elkarteak hiri-parkea bezala sailkatua izan dadin eskatzen duela. Uliako herritarrak zoriondu besterik ezin dugu egin aipatu eremua babestea lortu dutelako. Eta guk inork baino hobeto dakigu zein zaila den hori, azken batean Altzan 18 urte daramatzagulako Auditz-Akular eremuan parkea egin dadin eskatzen eta oraindik ez dugu lortu.


Azkenak
EGILEAK
Eguneraketa berriak daude