Wert 2010ean: "Hezkuntza ez da demokratikoa"

  • FAES think tank-ak antolatutako hitzaldia da, 2010eko uztailaren 11n. “Espainiako gizartea erreforma-agendaren aurrean” titulua dauka José Ignacio Wertek prestatu duen gaiak. Artean ez da Espainiako Hezkuntza, Kultura eta Kirol ministro. Bi urte geroago bai, eta hezkuntza erreforma ezarri nahiko du; erreformaren zutabeak hitzaldi hartan jasota zeuden: demokrazia gutxitzea, autonomia erkidegoei boterea kentzea, autoritatea indartzea…

Gorka Bereziartua Mitxelena @boligorria
2012ko abenduaren 07a
Wert, 2010eko FAESen ikastaroan.

Hezkuntza sistemaren porrotaz ari da Wert uztailak berotuta, eta porrotaren zioak politikoak direla adierazi du, Espainiako Estatuko hezkuntza-sistema “egokia ez den marko legal batetik eratorri” delako gertatu da porrot hori bere ustez. “Baina baita deriba ‘demokratiko’ okerra hartu duelako eta horrek sistemaren oinarriak higatzeaz gain, haren funtzionamendua desitxuratu du”.

Demokrazia arazo

Demokrazia da beraz problema, Wert jauna? “Eskola-komunitatearen kontzeptu neurrigabe eta inbasiboa. Gobernu partekatuaren ideia (gurasoak, ikasleak, irakasleak, irakasle ez direnak…). Hezkuntza komunitatea ezin da komunitate demokratikoa izan, hezkuntza prozesua ez delako demokratikoa”.

Eta zein dira horren ondorioak zure ustez, Wert jauna? “Autoritatea hondatzea lehenbizi; gero exigentzia estandarrak; eta azkenik, hezkuntza prozesuaren funtsezko baloreak: ahalegina, meritua, errekonozimendua, bikaintasuna”. Horrek guztia lortzeko, demokrazia arazo-iturri baino ez da ministroarentzat. Edo hala zen 2010ean. Artean ez zuten demokratikoki hautatu.

Deszentralizazioaren “gehiegikeriak”

Demokraziaz gain, Espainiako Estatuak autonomia erkidegoei hezkuntza-eskumenak utzi izanak ere laino ilunetan murgiltzen du Werten burua 2010eko uda hartan. “Hezkuntza sistemaren deszentralizazioaren begi-bistako gehiegikeriek sortu dute dagoeneko bulkada bat, Estatuak bere rola berreskura dezan. Hezkuntza sistema Estatuak kudeatzearen aldeko jende gehiago dago, kudeaketa autonomikoaren alde daudenekin konparatuta”.

Ezin jakin Wertek nondik atera zuen halakorik baieztatzeko datua duela bi urte. Bai ordea, ikuspuntu horretatik abiatuta proposatu duela erreforma. Euskal Herrian eta Katalunian jaso duen erantzuna ikusita, ezingo du ziurtasun berdinarekin esan “jendea” eskumen autonomikoak gutxitzearen alde dagoela.

Tira, ez zen Wertek "jendea"-ri buruz urte hartan esan zuen gauza bakarra...

 

Kanal honetan artxibatua: LOMCE legea

LOMCE legea kanaletik interesatuko zaizu...
2018-06-05
Gazteok Euskal Herrian ikasi nahi dugu!

Erlojuaren orratzek egunari hasiera eman diote. Apunteak hartu eta korrika irten zara etxetik. Urduritasuna. Ordua da, heldu da azkenean. Tik-tak. Aurrera begira, lerro zuzenean eta bakarrik eserita. Isiltasuna. Hasi da azterketa, hasi da selektibitatea.


2018-04-20 | Topatu.eus
Azterketa arrotzen aurka Bilboko kaleak hartu dituzte ikasleek

Ikasleok Zorrotz dinamikak deituta manifestazioa egin dute Arriagatik ehunka ikaslek 'Azterketa arrotz, ikasleok zorrotz' lelopean. Azterketa eta erreforma arrotzen aurrean eta Euskal Herri burujabearen bidean hezkuntza "herritik eta herriarentzat" eraikitzea galdegin dute.


Sexu bereizketa egiten duten eskolak diru publikoz laguntzea ontzat eman du Espainiako Auzitegi Konstituzionalak

Espainiako Estatuko Konstituzio Auzitegiak atzera bota du PSOEk LOMCE legearen aurka aurkeztutako errekurtsoa, eta ikasleak sexuaren arabera bereizten dituzten eskolei diru-laguntza publikoak ematea zilegitzat jo du.


2018-03-07 | Hala Bedi
LOMCE eta Heziberrik "inposatutako" azterketari planto egiten hasi dira Arabako zenbait zentro

San Ignacion, Luis Elejalden, Aresketan… planto egin diote LH 6. mailako kanpo ebaluazioari. Hezkuntza Plataformen Topagunetik kalifikazio sistema “inposatu” honi planto egiteko deia luzatu zuten eta elkarlanean ari dira ikasleak, irakasleak eta gurasoak.


2018-02-28 | Hala Bedi
LOMCE eta Heziberrik "inposatutako" azterketa Arabako 27 ikastetxetan egin nahi dute

Luis Dorao, San Martin, Lukas Rei, Barandiaran, Umandi… Arabako 27 ikastetxe hauetatik 19 publikoetan egin nahi ditu frogak Eusko Jaurlaritzak martxoaren 5etik aurrera Lehen Hezkuntzako 6. mailako ikasgeletan. DBHn ere Pisa azterketa egitera deituko dituzte 4. mailako ikasleak maiatzean.


Euskal eliteen menpe

Berriki jakin ditugu euskal hezkuntzaren emaitza kezkagarriak. Duela luze ez dela, PISA txostenak (Ikasleen Ebaluaziorako Nazioarteko Programak) eman zigun lehen zaplaztekoa, emaitza oso kaskarrak lortu zituztelako gure ikasleek. Izan ere, sinetsarazi ziguten Eusko Jaurlaritzatik hemengo irakaskuntza oso maila gorenekoa zela,  Espainiako Estatuan “oasi” bat, baina emaitza txar horiek dagokigun lekuan jarri gaituzte.

Ez da harritzekoa emaitza horien zergatia. Ez dugu ahaztu... [+]


Kanpo azterketen "negozioa" salatu eta baliorik ez dutela esan du Steilasek

Ebaluaketak "merkatu eta politika neoliberalen menpe" daudela kritikatu du sindikatuak eta proba "jarraitu eta hezigarrien" aldeko dokumentua aurkeztu du.


Itxialdiak, greba egunak, borroka asteak eta elkarretaratzeak hezkuntzan

Hezkuntza arloan bero bukatu zen ikasturtea EAEn eta indartsu ekingo diete berriz murrizketen aurkako mobilizazioei: abendura bitartean, greba orokorra eta arloz arlokoa, itxialdiak, elkarretaratzeak, solasaldirako tarteak, salaketa egunak, borroka asteak eta manifestazioak iragarri dituzte unibertsitatez kanpoko hezkuntza publikoan. Egutegi zehatza ikusi dezakezue argazkian.


2017-06-20 | Unai Brea
Hiru ikastetxetik batean ez dituzte Jaurlaritzak ezarritako kanpo-probak egin

Maiatzaren bigarren hamabostaldirako Lehen Hezkuntza eta DBH amaierako ebaluazio-azterketak deituta zituen Eusko Jaurlaritzak 90 ikastetxetan. Cristina Uriarte Hezkuntza sailburuak Eusko Legebiltzarrean egindako agerraldian jakinarazi duenez, 27tan ezin izan dute proba egin, ikasle gutxiegi egon dela eta.  


Kanpo-azterketa 79 ikastetxetako LH 6ko ikasleei eta 90 institututako DBH 4koei egin nahi die administrazioak

Eusko Jaurlaritzak dagoeneko hainbat ikastetxetara bidali duen oharra zabaldu du Hezkuntza Plataformen Topaguneak: maiatzaren 15etik 31ra, EAEko 30 ikastetxetan egin nahi dute kanpo-ebaluazioa Lehen Hezkuntzako 6. mailan eta beste 60 institututan DBHko 4. mailan. Nafarroan, 49 ikastetxe eta 30 institututan egin nahi dutela adierazi dio Nafarroako Gobernuak Berriari.


Azkenak
EGILEA
Eguneraketa berriak daude