Astelehenean Kubako enbaxada berria zabaldu dute Washingtonen. 1959ko Kubako iraultzatik, irlak ez zeukan bulego diplomatikorik AEBetan.
1. Gaur zuk, bihar nik
Abuztuaren 14an John Kerry AEBtako Estatu idazkariak bisita egingo du Habanara, bertan AEBek irekitzekoa baitute beraien enbaxada. 1961etik itxita egon da enbaxada hori irlan, bi herrialdeen arteko harremana momentu txarrenean zegoenean, Fidel Castro buru zuen gobernuak eraikina konfiskatzeko asmoa ere agertu zuen.
2. Hitz egin dezagun diruaz
Bruno Rodriguez Kubako atzerri ministroak esan du AEBekin “elkarlan zibilizatuan” sinesten duela. Hala ere, Washingtondik herrialde kubatarrarentzat “miseria“ besterik ekarri ez duen blokeo finantzario eta komertziala –1962tik indarrean dagoena– bertan behera utzi behar dela ere adierazi zuen.
Ildo beretik joan ziren Raul Castro Kubako presidentearen adierazpenak: Castrok esan zuen bere gobernuak bi herrialdeen arteko erlazioen normalizazioan aurrera egin nahi duela. Hala ere ezinbestekotzat jo du blokeoa bertan behera gelditzeko neurriak hartzea.
3. Guantanamera
Blokeaoa ez da bi herrialdeen erlazioak normalizatu ahal izateko Kubak AEBei egiten dien eskari bakarra. Estatubatuarrek ilegalki okupatutako Guantanamoko base militarra bueltatu beharko lukete, baita Kubako irrati eta telebisten transmisio ilegalekin amaitu ere.
4. Telefono gorrietatik telefono mugikorretara
Joan den otsailean bi herrialdeen arteko telekomunikazio sarea ireki zen. IDT Corp telekomunikazio enpresa estatubatuarrak ETECSArekin –Kubako telekomunikazio enpresa– egindako akordioaren ondorioz Kuba eta AEBen artean bitartekorik gabeko deiak egin daitezke.
Horrez gain, hitzarmenak aukera ematen die AEBetako enpresei Kuban komunikazio gailuak saltzeko baita bertako interneteko azpiegitura berritzeko ere.
Nazio Batuen Batzar Nagusian onartu dute AEBek Kubari ezarritako blokeoa amaitzeko ebazpena: aldeko 187 boto izan ditu, aurkako bi (AEB eta Israel), eta abstentzio bat (Ukraina).
AEBetako Defentsarako Inteligentzia Agentzian analista lana egiten zuen, eta hainbat informazio sekretu helarazi zizkion Kubako Gobernuari 1984tik aurrera. 2001ean atzeman zuen FBIk, eta 25 urteko espetxe zigorra ezarri zion. Bere aurkako 2002ko epaiketan egin bezala, orain... [+]
Habanan egindako elkarrizketa baten bigarren atala izan liteke hau. 2011ko ekainaren 19an ARGIAren orrialdeetan mintzatu ginen Holguineko (Kuba) gotzainarekin. Francok estatu-kolpea jo zuen garaian Legazpiko alkate Daniel Arangurenen eta Emilia Etxeberriaren semea dugu, gurasoen... [+]
Pablo Milanés abeslari kubatarra zendu da, 79 urterekin. Madrilen eman ditu azken urteak, baina han eta hemen kontzertuak eskaini ditu, azken unera arte.