'Via Campesina' telebista sortu du nekazarien nazioarteko mugimenduak
Via Campesina nazioarteko nekazarien mugimenduak web telebista sortu du. Helburua euren eguneroko borroka ikus-entzunezko edukien bitartez irudikatzea da. 20. urteurrenaren harira webgune berria plazaratu zuten, eta gonbidapena luzatu dute erabiltzaileek gaiari buruzko materiala igo dezaten.
Hainbat gai jorratu nahi ditu Via Campesina telebistak: Elikadura subiranotasunaren aldeko borroka, ura eta lurra izateko eskubidea, enpresa transnazionalen eragina, eta transgeniko eta landa erregaien aurkako erresistentzia, besteak beste. Haien ustez, ezinbestekoa da hitza ematea “hedabide korporatiboek isilarazten dituzten mugimendu eta erakundeei”.
Mundu osoko edukia biltzen du Via Campesinak. Horregatik, nekazariak, ekintzaileak, zinemagileak eta erakundeak bultzatu dituzte euren ikus-entzunezko produktuak bidaltzera. “Justizia eta ekitatean oinarritutako elikadura sistema” baten aldeko nazioarteko ikuspegia zabaldu nahi dutenez, haien ustez ezinbestekoa dute erabiltzaileen parte-hartzea.
Edozein hizkuntzatan bidali daitezke edukiak, baina hasierako menua gaztelaniaz, frantsesez eta ingelesez egongo da. Norbaitek bideoren bat bidali nahiko balu, YouTube, Vimeo edo antzeko plataforma batean igo eta esteka lvc-communication@viacampesina.org helbidera bidali beharko du.
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]
Bidaia hau hasi nuenean, ikuspuntu erromantikoz imajinatzen nituen baso jangarriak: zuhaitz artean ibili, fruitu goxoak dastatu, loreak usaindu... baina baso jangarriek badituzte arantza ugari ere, porrotak, erratak... Gaur, ikasketa politak eskaini dizkidaten porrot horietako... [+]
Gasteizko Haur eta Lehen Hezkuntzako ikastetxeetako baratzeak ikertu ditu Iratz Pou EHUko ikasleak. Zenbat eskolek dute ortua? Nolako erabilera ematen diote, zein helburu eta asmorekin? Probetxu pedagogiko eta didaktikoa ateratzen al diote baratzeari? Pourekin eta Igone Palacios... [+]
Elikagaien prezioak zergatik igo dira hainbeste? Nola ezartzen dira prezioak? Juanma Intxaurrandieta Nafarroako Unibertsitateko ekonomia irakaslea eta INTIAko kudeatzaile ohia da, egun erretiratua. Eli Pagolak Egonarria saioan egin dion elkarrizketan, hizkuntza arruntean eta... [+]
Gaubea haranean, Tobillas herriaren alboan, Serna deitzen dioten nekazaritzarako lursail bat dago. Baina ez da baratze soil bat: historiak eta arkeologiak diote 1.300 urteko bizia duela eremu horrek. Herritarren langintza kolektibo baten emaitza izateaz gain, parada ematen du... [+]