Venezuelako Asanblada Nazional Konstituziogilerako hauteskundeen data aurkeztu dute

  • Venezuelako Hauteskunde Kontseilu Nazionaleko lehendakari den Tibisay Lucenak Asanblada Nazional Konstituziogilerako (ANK) hauteskunde data aurkeztu du: datorren uztailaren 30an izango da.


2017ko ekainaren 08an - 12:36

Uztailaren 9an hasiko da kanpaina eta uztailaren 27ko gauerdian amaituko da. Asanblada Konstituziogilea 545 herritarrek osatuko dute eta 55.314 venezuelar erregistratu dira hautagai.

Lucenak adierazi duenez, Venezuelaren historia politikoan une erabakigarria bizitzen ari dira, eta deialdi hau “aukera paregabea izan daiteke topatu eta debate nazional” bat emateko.

Izan ere, Venezuela bizitzen ari den krisi egoerari irtenbide emateko proposatu zuen  pasa den maiatzaren 1ean, Nicolas Maduro lehendakariak 1999ko konstituzioa eraldatzeko prozesu parte hartzaile hau. Bere esanetan hauek dira prozesuaren helburu nagusiak:

-Bakea lortu eta justiziaren balioak azpimarratu, elkarrizketa nazionalaren bitartez.

-Venezuelaren sistema ekonomikoa garatu eta perfekzionatzea.

-Iraultza bolibartarraren ildo estrategikoak diren Misio eta Misio Handiak konstituzionalizatzea.

-Terrorismoaren eta narkotrafikoaren kontrako borrokarako justizia tresna eraginkorrak konstituzionalizatzea.

-Komuna eta kontseilu komunalak konstituzionalizatzea.

-Demokrazia protagoniko, partehartzaile eta zuzenaren forma berriei espazioak eskaini.

Gazteleraz TeleSurrek ateratako azalpena
Gazteleraz, TeleSurrek eginiko grafikoa

 


Kanal honetatik interesatuko zaizu: Venezuela
Miren Egiguren. Ez da kikiltzen
"Agortzen ez den iturburu bat daukat barrenean"

Venezuelatik itzuli zenetik, Tolosako Zuloaga auzoaren behealdeko parkean ematen ditu arratsaldeak Miren Egigurenek, bizpahiru lagunekin. Hantxe aurkitu dugu ekainaren bukaerako egun batean. Elkarrizketa egiteko lagunaren etxera igo garenean, Hugo Chavezen panpinarekin... [+]


2023-05-05 | Gedar
Nortasun zedula eskuratu du Asier Guridi iheslari politikoak

Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.


Angel Prado. Demokrazia komunala
"Ez dugu irla bat izan nahi"

Angel Prado Padua borrokalari venezuelarra Euskal Herriko hainbat tokitan ibili zen hilaren hasieran, El Maizal komuna sozialistaren berri ematen, Demokrazia Komunalaren Aldeko Nazioarteko Sareak gonbidatuta. Hernanin bildu ginen harekin, bere hitzaldiaren bezperan. El Maizalen... [+]


Eguneraketa berriak daude