Chavezen heriotza ikertuko dute, minbizia nahita eragin ote zuten argitzeko
Venezuelako jarduneko presidente Nicolas Madurok azaldu du Chavez pozoitu izanaren susmoa dutela. Horregatik, “egia argitzeko bidean”, aukera hori ikertuko dute. Gobernuak azaldu duenez, bertako ikerlariak ez ezik, atzerriko zientzialariak ere gonbidatuko dituzte.
Madurok dio goizegi dela Chavezen minbizia nahita eragindakoa dela esateko, baina ohartarazi du AEBek gaixotasunak manipulatzeko laborategiak dituztela. Horrelako tumorea aurkitzen zuten lehen aldia zela esan du jarduneko presidenteak, eta Yasser Arafat lider palestinarraren pozoitzearekin alderatu du.
Chavezek berak hura eta Hego Amerikako beste hainbat lider pozoitu zituzten susmoa azaldu zuen Argentinako presidente Cristina Fernandez Kirchnerri tiroide minbizia hautematean. “Oinarririk gabeko akusaziorik” egin nahi ez zuela adierazi zuen orduan, baina bere ustez ez zatekeen harritzekoa AEBek halako teknologia garatuz gero sekretuan gordetzea.
Oposizioaren arabera, konspirazio-teoria osoa gizartearen arreta “herrialdea zigortzen duten arazoetatik” desbideratzeko estrategia da.
Chávez bizirik zegoenean bere figurarekiko atxikimendua sekulakoa zen herri venezuelarraren sektore oso zabal batean. Chavismo hegemonikoa zen, ikuspegi soziopolitiko batetik zein emozionaletik ere. Venezuelako sektore apalen artean, baita ekonomikoki hobeto zeuden beste... [+]
Chavismoa eta oposizioa protesta egitera irten dira Venezuelako kaleetara eta hiru hildako eta hamarnaka zauritu eta atxilotu izan dira. Oposizioak Nicolas Maduro presidenteak kargua uztea eskatu du eta Gobernuaren aldekoek, aldiz, hura defendatu eta estatu kolpe saiakera salatu... [+]
Venezuelako udal hauteskundeetan Nicolas Maduroren PSUV alderdiak jaso du boto gehien, bozken %49,2. Henrique Ceprilesen MUD koalizioa ez da urruti ibili emaitzetan 700.000 boto gutxiago (%42,7) baina Venezuelako hiri garrantzitsuenetako alkatetzak eskuratu baititu.
Nicolás Maduro atera da garaile igandean Venezuelan egindako hauteskundeetan. Oso boto gutxigatik irabazi dio Henrique Capriles oposizioko hautagaiari: %50,6ak eman dio aldeko botoa, Caprilesen %49,1aren ondoan. Caprilesek esan du emaitzak ez dituela onartuko boto... [+]