Yanis Varoufakis Greziako finantza ministroak bere blogean iragarri du dimisioa. Erabakiak Grezia eta Eurotaldearen arteko negoziazioak erraztea du helburu.
Vaorufakisek dioenez, bere dimisioak bidea leunduko dio Alexis Tsipras lehen ministroari, troikarekin egingo dituen negoziazioetan.
Stavros Karagounis, Syriza alderdiko Atika eskualdeko koordinatzaile eta Tsiprasen aholkulariak adierazi duenez, hartzekodunekin negoziatzen ari den taldeko kide izaten jarraituko du Varoufakisek. Bere hitzetan, Finantza ministroak dimisioarekin erakutsi du ez duela "eserlekua" desio, "negoziazio prozesua erraztea baizik".
Varoufakisen dimisioa erreferendumaren biharamunean heldu da. Greziarren %61ek ezezkoa eman dio troikak proposatutako akordioa onartzeari.
Informazio gehiago:
Erreferendumaren emaitzak eskualdez-eskualde:
| Eskualdea | EZ | BAI |
|---|---|---|
| Atika | 59,70 | 40,30 |
| Ekialdeko Mazedonia eta Trazia | 59,80 | 40,20 |
| Erdialdeko Grezia | 64,27 | 35,73 |
| Erdialdeko Mazedonia | 59,91 | 40,09 |
| Epiro | 59,18 | 40,82 |
| Hegoaldeko Egeo | 63,99 | 36,01 |
| Iparraldeko Egeo | 61,31 | 38,69 |
| Kreta | 69,87 | 30,13 |
| Mendebaldeko Grezia | 65,14 | 34,86 |
| Mendebaldeko Mazedonia | 60,17 | 39,83 |
| Peloponeso | 57,34 | 42,66 |
| Tesalia | 62,29 | 37,71 |
| Uharte Jonikoak | 67,74 | 32,26 |