Usurbil 0.0 pauso berri bat hondakinen kudeaketan

  • Atzoko egunez aurkeztu zuen Usurbilgo udalak, hondakinen kudeaketan pauso berri bat suposatuko duen Usurbil 0.0 plan estrategikoa.

Argazkia: Noaua

2016ko abenduaren 23an - 15:25

Hondakinen kudeaketa plan berria martxorako prest egotea espero du Xabier Arregi Usurbilgo alkateak. Hondakinen bilketa sistemaren plan berria egiten lagunduko duten adituak ere aurkeztu zituen atzo Usurbilgo Udalak, tartean dira Joan Marc Simon (Zero Waste Europe) Ignaci Puig (Ingurugiro Zientzietan doktorea UAB-en) Ramón Plana (Biologian doktorea) eta Gorka Bueno (EHUko Ingeniaritza Graduko irakaslea). Plan honen egituratzean herritarren parte hartzea ere oso garrantzitsua izango dela azaldu zuen Ibon Goikoetxea Usurbilgo Ingurumen teknikariak.

Goikoetxearen ustez, 2008. urtean atez-ateko bilketa sistemarekin hasitako bidean pauso kualitatibo bat emateko ordua iritsi da. Bere esanetan Usurbilek hondakinak kudeatzeko eredu propio eta integral bat finkatzeko ordua iritsi da. Erronka, planteamendu globalei tokiko erantzun jasangarriak ematea dela esan zuen, eta bide horretan Usurbilek izan duen aitzindaritzan aurrera egin behar duela.

0.0 plana

Izenak argi dioen bezala, Usurbilgo Udalak bere egiten du "zero hondakinak" filosofia. Plan hau burutu ahal izateko herritarren ahalduntzean pauso indartsuak ematen jarraitzea eta plan berriari dimentsio kolektibo zabala ematea espero da.

Martxorako prest edukitzea espero dute eta 2023. urtea jarri dute helmuga moduan. Oraindik gainditzeke dauden bost helbururi erantzun bat ematera dator Usurbil 0.0 :

-2023 urterako Usurbilgo hiri hondakinen sorrera %10 murriztea.
-Usurbilen sorturiko biohondakina herrian konpostatu eta erabiltzea. (700 tona biohondakin inguru).
-2023an zabortegian isurtzen diren hondakinak inerteak eta gehienez ere %5 material biodegradarri izatea.
-2023an hiri hondakinen bilketa eta tratamendu zerbitzuaren defizita 0 izatea.
-2023 urterako hiri hondakinen %90 gaika biltzea.

Horrek guztiak herriarentzat erronka handia suposatzen duela adierazi zuen Xabier Arregi Alkateak, baina herritarren parte hartzearen bitartez ziur dago hondakinen kudeaketa plan estrategiko berria oinarri sendoak finkatzeko kapaz izango dela. “Usurbilek beste hainbatetan bezala erantzungo du” esanez amaitu zuen agerraldia. 


Kanal honetatik interesatuko zaizu: Hondakinen kudeaketa Gipuzkoan
2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


2023-08-01 | Jon Torner Zabala
Ibilbideak (IV)
Beloki: Han goitik hautsa ikusten da

Zumarragan badugu eraikin-multzo bat herriguneak besteko zabalera duena ia, Arcelor Mittal-en fabrika zaharra, industriak gurean izan duen garrantzia geroz eta urriagoaren erakusgarri. Hura itxi eta gutxira, 2021eko urrian, Eusko Jaurlaritzako Ekonomiaren Garapen,... [+]


Zumarragan erraustegi bat jartzeko asmoa salatu dute

Plastic Energy enpresak Zumarragan hondakin plastikoen birziklatze kimikorako instalazioa jartzeko asmoa "kezka handiz" ikusten du Urretxu-Zumarraga Bizi! plataformak. Azpimarratu du pirolisiak osasunarentzat kaltegarriak diren kutsatzaile kimikoak askatzen dituela,... [+]


Zubietako erraustegiaren egoera Europako Parlamentura eramango du Ezker Anitzak

Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]


Eguneraketa berriak daude