Urtebeteko kartzela zigorra ezarri diote gazte bati Aske Gunean parte hartzeagatik
Gazte bati urtebeteko kartzela zigorra ezarri diote Ertzaintzak Ekaitz Ibero atxilotzea saihesteko antolatutako Donostiako Aske Gunean parte hartzeagatik. Donostiako Auzitegiak “desobedientzia larria eta desordena publikoa” egotzita zigortu du 2013ko apirilaren 10eko gertakariengatik.
Epaileak ebatzi duenez, gaztearen asmoa Ertzaintzaren jarduna “fisikoki oztopatzea” izan zen. Akusatuak ertzainei “ostikoak eman zizkiela” ere jaso du ebazpenak.
Espainiako Auzitegi Gorenaren aginduz Ertzaintzak atxilotu behar zituen zortzi gazteren alde sortu zen Aske Gunea Donostiako Boulevarrean. Atxiloketaren unean ehun lagun inguru Iberoren inguruan eseri ziren eta Ertzaintzak kolpeka banandu zituen Ibero atxilotu arte.
Informazio gehiago:
Ikusi Ekaitz Ibero atxilotu zuten unearen bideoa.
Donostiako Herri Harresian atxilotutako gazteen abokatuek Espainiako Zigor Kode berriaren arabera gradua jaisteko eskatu zuten, baina Auzitegi Gorenak ukatu egin du eta beraz, sei urteko kondena osotasunean bete beharko dute, espetxean jarraitzen duten bost gazteek.
IV Libre Topaketak egingo dituzte ostiralean eta larunbatean, Donostian, Eleak-Libre mugimenduak antolatuta, Mozal Legea salatu eta Aske Gunean atxilotutako gazteen askatasuna aldarrikatzeko.
Donostiako Askegunean atxilotu zuten Oier Lorente eta lau urteren ostean atera da kartzelatik; Segiko kide izateagatik 6 urteko espetxe zigorra ezarri zion Auzitegi Nazionalak.
Donostiako Askegunean atxilotu zuten Aitor Olaizola eta lau urteren ostean atera da kartzelatik, orotara sei urteko espetxe zigorrarekin ordainduta Segiko kide izatea egotzi izana. Ehunka lagun izan ditu zain Donostiako Alde Zaharrean, ongietorria emateko.