Urriaren 15ean preso gaixoen aldeko manifestaziora deitu du Sarek
Euskal preso politikoei sakabanaketa eta salbuespenezko beste arau batzuk ezartzearen aurkako Salatzen dut kanpaina aurkeztu dute, Sare plataformaren izenean, Arantza Aldezabal eta Joseba Azkarragak. Horrekin batera, larriki gaixo dauden presoen aldeko manifestazioa iragarri dute; urriaren 15ean egingo dute, Donostian, Gaixo larriak etxera leloarekin.
Dispertsioak presoen %95i eta haien familiei eragiten diela azpimarratu dute Aldezabalek eta Azkarragak. Horren aurkako aldarria nonahi zabaltzearen aldeko apustua egin nahi du Sarek: “Herritar guztiek kanpainarekin bat egin eta haren ikurra Euskal Herriko bazter guztietan ager dadila”.
Besteak beste, preso gaixo larriek legediaren araberako tratua jaso dezatela eskatuko dute. Halaber, zigor batuketa aintzat harturik zazpi presok dagoeneko etxean beharko luketela gogorarazi dute. Urraketa hori Europar Batasuneko erakundeen aurrean salatuko dutela berretsi dute, abuztuan iragarri bezala.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.