Urdulizko ospitalea: ateak irekitzear, zalantzak airean

  • Urdulizko ospitale berriak 170.000 bizkaitarri emango die zerbitzu. EH Bilduk hainbat zalantza agertu ditu Bizkaiko Foru Aldundiak eta EAEko Osasun Sailak orain arte egindako kudeaketaren inguruan. Besteak beste, ospitaleak eskainiko dituen zerbitzuen kalitatearen inguruan.

     

Sara Arruabarrena Azkarate @s8ara
2016ko ekainak 06
Urdulizko ospitalea. (Argazkia: Ińigo Azkona)

Uribe eskualdeko 170.000 biztanlek ez dute Gurutzetako ospitalera joan beharko hemendik aurrera, ez orain arte egin duten bezala behintzat. Urdulizko ospitalea hainbat zerbitzu eskaintzen hasiko da ekainean, Osasun Sailak oraindik datarik zehaztu ez badu ere.

Badira, ordea, kudeaketaren inguruko kezkak. Zigor Isuskiza EH Bilduko Bizkaiko batzarkideak eta Ana Crespo Erandioko zinegotziak ostiralean azaldu zituzten horietako batzuk. Alde batetik, adierazi dute “zerbitzuen kalitatea eta kostuak neurtzeko txosten bat egitearen konpromisoa” hartu zuela Osasun Sailak, eta ez duela egin.

Ospitalea hutsik egongo den eta zerbitzu mugatuak izango dituen beldur direla gaineratu dute, baita zenbait zerbitzu pribatizatuko ote dituen ere. Horregatik, “ospitaleko sukaldea eta jangela, hurbileko ekonomia osatzen duten hornitzaile txiki, ertain eta baserritarren bidez egitearen aldeko apustua” egiten du. Sindikatuek, bestalde,  garbiketa zerbitzua pribatizatzea 100.000 euro izango liratekeela esan dute.

Bestetik, ospitalera daramatzaten errepideen inguruko salaketa ere egin du EH Bilduk. Oraindik ez dago ospitalerako sarrera nagusia izango dena erabiltzeko aukerarik eta Vicente Reyes Bizkaiko Mugikortasun diputatuak adierazi du garraio publikoari dagokionez Bizkaibus geltoki bat egingo dela ospitaletik gertu baina ez dela zerbitzuaren maiztasuna areagotuko, ezta metro zerbitzuarena ere. Arazo hori konpontzeko erantzukizuna udaletxeen esku utzi dutela salatu dute koalizioko ordezkariek.  

Azkenik, Erandiori dagokion auziarekin bueltaka ibili da EAEko Osasun Saila. Hirutan iritziz aldatu ostean, badirudi Urdulizera ez eta orain arte bezala Gurutzetako ospitalera joaten jarraituko dutela Erandioko 25.000 biztanleek.

Kanal hauetan artxibatua: Urdulizko ospitalea  |  Bizkaia

Urdulizko ospitalea kanaletik interesatuko zaizu...
Urdulizko ospitalea eta trafikoa
MULTIMEDIA - erreportajea

Uribe ospitalea herri plataformak Urdulizen ireki den ospitale berrira heltzeko oztopoez eta trafikoan sortu dituen arazoez plazaratu ditu bideo honen bitartez.


Pribatizazioa Urdulizko ospitalean: elikadura eta arropa zerbitzuak lehiaketara atera ditu Osakidetzak

Jon Darpon EAEko Osasun kontseilariaren dimisioa eskatu du LAB sindikatuak, “zerbitzu berriak ez pribatizatzeko konpromisoa ez betetzeagatik”.  


2016-06-14 | Unai Brea
Lanuzteak Osakidetzan, Urdulizko ospitalea guztiz publikoa izan dadila eskatzeko

Osakidetzako langileak ekainaren 14ko eguerdian bi orduko lanuztera egitera deitu dituzte Satse, ELA, LAB, CCOO eta ESK sindikatuek. Mobilizazioaren bidez, Urdulizko Alfredo Espinosa erietxe berrian “egin nahi dituzten era guztietako pribatizazioen aurka” protestatu nahi dute. Ekainean da irekitzekoa Uribe Kostan eraikitako ospitalea. Progresiboki, orain arte ospitale-arreta osoa Gurutzetan jaso duten 170.000 herritar artatuko dituzte bertan.


Azkenak
EGILEA
Eguneraketa berriak daude