Unibertsoa jaio eta berehala gertatu zena ulertzeko giltzarria
Inflazio kosmikoa unibertsoa sortu osteko lehen momentua hobekien azaltzen duen teoria da, eta baditu dagoeneko 30 urte, Big Bangaren teoria osatzera heldu baitzen 80ko hamarkadan. Alan Guth zientzialari estatubatuarrak proposatu zuen eta berau egiaztatatzen duen froga litzatekeena aurkitu dute nazioarteko zientzialariek, Antarktikan. Inflazioaren teoriaren arabera, unibertsoa ikaragarri hedatu zen, eta ikaragarri azkar gainera, duela 13.800 milioi urteko leherketa gertatu eta berehala. Geroztik, pausatuago jarraitu du hedatzen.
BICEP2 mikro-uhin teleskopioak lehen istant haren dardara sotila aurkitu du, leherketa gertatu eta berehalako hedatzearena. Zeruan aurkitu duten hori, beraz, grabitazio uhinen arrastoak dira, eta Albert Einsteinek Erlatibitatearen Teorian zioen moduan, Big Bang bezalako gertaera bortitzak uhin modukoak sortu beharko lituzke espazio-denboran. Gauza batean tronpatu egin zen, ordea, genioa. Hark ez baitzuen uste grabitazio uhinok aurkitu ahal izango zirenik, unibertsoa hain handi eta zaharra izaki.
Herrialdea hego polora iritsi den lehena da, eta ilargiratu den laugarrena. Asteazkenean 14:34ean iritsi da.
2014ko maiatzean zenbait zientzialarik iragarri zuten unibertsoko lehen grabitate-uhinak izan zitezkeenak detektatu zituztela, Planck satelite europarrak jasotako datuetan oinarrituz (ikus Argia 2.410). Uhin horien presentzia ezinbestekoa da Big Bang teoria baieztatzeko. Haren... [+]
