Ukrainako Ekialdea: biktimen kontaketa

  • Ukrainako Ekialdean aurtengo otsailean piztutako gatazkan biktimen kopurua ez da gutxiagotu ARGIAn kontaketa egin genuen uztailaren 7tik hona, aitzitik, gatazka gogortu eta Donetsk eta Luhansk hiriak berreskuratzeko Kieveko tropek erasoa handiagotu ahala, hildakoen eta zaurituen kopuruak ere gora egin du.


2014ko abuztuaren 22an - 00:00
Azken eguneraketa: 2015-02-26 13:37:33
Donetsk hirian abuztuaren 15ean Kieveko gobernuko tropek jaurtitako morteroek kale erdian zauritutako emakumea. (Argazkia: Los Angeles Times)

Nazio Batuen Erakundearen arabera 2.119 ukrainiar hil ziren abuztuaren 15a artean; geroztik gehiago hil dira, lerrook idazteko unean bertan -abuztuaren 21a, eguerdiko 13:30ak- agentziak zabaltzen ari ziren Donetskeko erdialdeko karriketara jaurtitako morteroek gutxienik zortzi herritarri kendu dietela bizia.

Gehienetan bezala, Wikipediak biltzen ditu zorrotzen gatazken ondorio humano eta ekonomikoen zifrak. Ukrainako Ekialdeko gatazkari dagokionez, honela laburbiltzen dira guduetan erori diren arizaleen kopuruak: Ukrainako gobernuak galdu ditu 632 militar, 27 polizia eta 8 ekintzaile (activists); separatista errusiazaleek 800 militante eta 46 ekintzaile galdu dituzte. Preso hartuen datuak bakarrik alde batekoenak dakizkigu: Kieveko gobernuak aitortu du 1.200 militar eta 174 polizia harrapatu dizkietela matxinoek. Herritar zibilei dagokienez, gutxienez 2.119 hil dira guduetan, hilabete bakarrean bi halakotu dira hildako zibilen kopuruak; zaurituen berri zehatzik ez da, baina askoz gehiago izan behar dute. Gehiago dira, beraz, hildako zibilak gerran parte hartzen ari diren gudariak baino.

Errefuxiatuei dagokienez, Iturri batzuek 188.216tan zenbatzen dituzte gerran dauden eskualdeetatik Errusiara ihesi joandakoak eta beste batzuek 730.000eraino daramate zifra. Horiez gain, 155.800 jende eskudeotatik partitu eta inguruetan barriatu dira.


Kanal honetatik interesatuko zaizu: Donbass gerran
2022-09-21 | ARGIA
Errusian sartzea galdeginez erreferendumak egingo dituzte Donbass, Kherson eta Zaporizhiak

Irailaren 23tik 27ra egingo dituzte erreferendumak, herritarrei galdetzeko ea sartuko liratekeen Errusiako Federazioan. Ukrainak Errusiaren xantaiatzat jo du ekimena. Putinek erreferendumak babestuko dituela adierazi du, eta horrekin batera, asteazkenean 300.000 militar ohi... [+]


Errusiako Armadak su-etena iragarri du Mariupolen

Korridore humanitarioetatik barrena zibilak ateratzeko hartu du erabakia Moskuk. Hala ere, Ukrainako ordezkariak mesfidati agertu dira, ez diote sinesgarritasun osoa bideratu Errusiak plazaraturiko erabakiari.


2022-03-01 | ARGIA
Errusiaren eta Ukrainaren arteko guda, geroz eta gordinago

Ukrainako gerra egunetik egunera aldatzen doa. 2014an independentzia aldarrikatu baina linboan geratu ziren Donetsk eta Luhanskeko herri errepubliken independentziak onartu eta guda hasi zuen Errusiak. Mendebaldeak zigor ekonomikoen bidez erantzun du Ukraina ekialdeko... [+]


Eguneraketa berriak daude