Ukrainak neurri ekonomiko gogorrak hartu beharko ditu Nazioarteko Diru Funtsaren laguntzaren truke
Nazioarteko Diru Funtsaren (NDF) eskutik 19.700 milioi euroko erreskatea jasotzearen truke, Ukrainak erreforma gogorrak egin beharko ditu.
Duela gutxi Europar Batasunak beste 8.000 milioi euroko laguntza ere onartu zuen Ukrainarentzat.
Ez dira hutsaren truke emandako sosak: “neurri sendo eta irismen handikoak” hartu beharko ditu Ukrainako gobernuak, “ekonomia egonkortzera” bideratuak. Zehatzago esateko: 24.000 langile publiko kaleratu ditzake Jatseniuken gobernuak lehen kolpean; prozesuaren amaieran %20 argaldu nahi du administrazio publikoa; eta gas eta argindar tarifak igoko dira.
Viktor Janukovitx presidente kanporatuaren gobernuak uko egin zion NDFren baldintza horiek onartzeari eta Errusiarekin harreman komertzialak berrezartzeko hautua egin zuen. Horren ondorioz hasi ziren aurreko gobernua bota zuten protestak.
NDFrekin lortutako akordioa ez da erabatekoa oraindik, Christine Lagarde buru duen erakundeak berretsi behar baitu. Datorren hilabetean onar dezakete, behin Ukrainak eskatutako neurriak hartuta dituenean.
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.
Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.