Uholdeen ondoren elkartasuna Baztanen

  • 
    

    Ostiraleko uholdeek eragindako kalteei auzolanaren bitartez ari dira aurre egiten Baztango herritarrak. Kalte guztiak zenbatzeko daude oraindik eta Nafarroako Gobernuak “hondamendi-eremua” izendatzeko eskaera egin du.


2014ko uztailaren 07an - 00:00
Azken eguneraketa: 2015-02-26 13:37:33
Inguruko herrietatik ere hurbildu da jendea garbiketa-lanetan laguntzera (Argazkia:noticiasdealava.com)


“Normaltasuna” lehenbailehen berreskuratua asmoz, boluntario ugari elkarlanean, konponketa-lanetan aritu dira asteburuan. Larunbat goizaldean zenbait lapurreta antzeman ziren arren, herritarren artean elkartasuna nagusitu da uholdeen ostean.

Zentro publiko eta pribatuetan aritu dira auzolanean herritarrak. Bertakoez gain, egon da inguruko herrietatik laguntzera hurbildu denik ere. Elizondon zaharren egoitza, osasun zentroa eta Giltxaurdiko kirol-instalazioetako garbiketa-lanetan ehunka boluntario aritu ziren, eta 48 orduren buruan, urak guztiz hartu zituen kaleetatik ibiltzea posible zela jakinarazi zuten.

Erratzun ere bakartuta geratutako baserriei laguntzeko auzolanean jardun dute askok. Guztiz hondatuta geratutako bideak konpontzen aritu dira, baserritarrek herrira jaisteko aukera lehenbailehen berreskuratu dezaten.

Hondamendi-eremua” izendatzeko eskaera

Nafarroako Gobernuak Baztan inguruetan kaltetuenak izan ziren guneak “hondamendi-eremu” izendatua izateko eskaera egin dio Espainiako Gobernuari. Kalteen lehen azterketa egin ostean egin dute eskaera.

Hala ere, Begoña Sanzberro Baztango Udaleko zinegotzi eta Nafarroako Gobernuko Herri Garapeneko kontseilari ohiak larunbatean esan zuen herri erdigunea kontrolpean egon arren, kalte guztiak zenbatzeko zeudela oraindik.


Kanal honetatik interesatuko zaizu: Uholdeak
2023-08-28 | Ilargi Manzanares
Duela 40 urteko uholdeei emandako erantzun herritarra omendu dute Bilboko Konpartsek

Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.


Alfredo Ollero Ojeda
“Ibaiak haien ibilguetan gero eta sakonago hondoratzen ari dira”

Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]


Ereñotzuko eta Pagoagako inguruak ere hondamendi eremu izendatzeko eskatuko dute

Urnietako eta Hernaniko alkateek eta Ereñotzuko ordezkariak Gipuzkoako Foru Aldundiarekin bilera bat egiteko eskatu dute. Bestalde, Bera, Lesaka eta Arano ere hondamendi eremu izendatzeko eskaria onartuko du asteazkenean Nafarroako Gobernuak.


2022-08-29 | Leire Artola Arin
Ekainetik gutxienez mila pertsona hil dira Pakistango uholdeen eraginez

Eurite handien ondorioz Pakistango 110 udalerri urak hartu ditu, eta lehen ministro Shehbaz Sharif-ek ohartarazi duenez, herrialdeko biztanleen %15ak pairatu ditu uholdeen kalteak: 33 milioi pertsonak.


Eguneraketa berriak daude