Uholdeen kalteak konpontzeko 10 milioiko laguntza bideratu nahi du Kontseilu Nagusiak

  • Uholdeek eragindako kalteek Ipar Euskal Herrian 10 milioiko kostua izango dutela iragarri du Georges Labazée Pirinio Atlantikoetako Kontseilu Nagusiko presidenteak. Ostiralean bozkatuko da diru laguntza hori eman ala ez erabakitzeko.

Dirua azpiegiturak konpondu eta norbanako, enpresari eta laborariak laguntzeko erabili nahi da (Arg.:kazeta.eus)

2014ko uztailaren 08an - 00:00
Azken eguneraketa: 2015-02-26 13:37:33

Dirua departamentuko ondare eta azpiegiturak konpondu eta uholdeak etxeraino sartu zitzaizkien norbanakoei laguntzeko baliatu nahi dela azaldu du Kontseilu Nagusiak, baita kalteak jasan dituzten enpresa eta laborantzako langileei laguntza emateko ere.

Joan den asteko uholdeek eragin dituzten egoerak aztertzeko aztertzeko, Kontseilu Nagusia Baiona Euskal Herri Komertzio eta Industria Ganbararekin eta Pirinio Atlantikoetako Laborantza Ganberarekin elkarlanean arituko da. Bide eta ondarearen konponketa bermatzeko herri erakundeak ere prest agertu dira.

Prefetak kalteak konpontzeko hiru bide daudela dio

Pierre-Andre Durand prefetak horrelako egoeretan Estatuko laguntza dakarten hiru bide daudela azaldu du: asteazkenean Frantziako Ministro Kontseiluan bozkatuko den hondamendi natural ezagupen lasterra, Laborantza zorigaitza eta herri erakundeak laguntzeko elkartasun kutxa.

Hondamendi-eremuaren izendapena onartuko balitz, dirua bizkor jasotzea espero dela adierazi du prefetak; eta nahiz eta beste bideak astiroago joan, hauek ere laguntza ekarriko dutela.

ELB sindikatuak bigarren aukeraren alde ere egin dezala eskatu dio prefetari, jasandako hondamendiarekin zerikusia duten prozedura guztiak martxan jar ditzan. Gainera, beste sindikatuei dei egin die desberdintasunen gainetik laborarien onerako elkarlanean aritzera.

Bestalde, Pirinio Atlantikoetako Laborantza Ganbarak kalteak jasan dituzten laborariei jaso ditzaketen laguntzen inguruan informatzeko ondorengo telefono zenbakia du abian: 0800 62 00 69.


Kanal honetatik interesatuko zaizu: Uholdeak
2023-08-28 | Ilargi Manzanares
Duela 40 urteko uholdeei emandako erantzun herritarra omendu dute Bilboko Konpartsek

Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.


Alfredo Ollero Ojeda
“Ibaiak haien ibilguetan gero eta sakonago hondoratzen ari dira”

Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]


Ereñotzuko eta Pagoagako inguruak ere hondamendi eremu izendatzeko eskatuko dute

Urnietako eta Hernaniko alkateek eta Ereñotzuko ordezkariak Gipuzkoako Foru Aldundiarekin bilera bat egiteko eskatu dute. Bestalde, Bera, Lesaka eta Arano ere hondamendi eremu izendatzeko eskaria onartuko du asteazkenean Nafarroako Gobernuak.


2022-08-29 | Leire Artola Arin
Ekainetik gutxienez mila pertsona hil dira Pakistango uholdeen eraginez

Eurite handien ondorioz Pakistango 110 udalerri urak hartu ditu, eta lehen ministro Shehbaz Sharif-ek ohartarazi duenez, herrialdeko biztanleen %15ak pairatu ditu uholdeen kalteak: 33 milioi pertsonak.


Eguneraketa berriak daude