Iñigo Cabacas hil zuen operatiboko buruaren lanpostu aldatzeak ez du bere soldata murriztu; ofizial baten soldata du, Ertzaintzaren hierarkian maila bat beherago (ofizialordea) dagoen arren.
“Ugarteko”k 777.000 euro eskatu zizkien Cabacasen senideen abokatuari, Garari eta Naizi, “kalte ordain” gisa. Garak ezbaian jarri ditu kalte-ordain eskariaren zenbait gako, Giza Baliabideen zuzendariaren ebazpenean oinarrituz.
Hedabideak jakinarazi duenez, Eusko Jaurlaritzako Segurtasun Sailarentzat lekukotasunezko jarduera egiten du Ugartekok. Jorge Aldekoak ere gisako zeregina izan zuen Ertzaintzaren buru izateari utzi eta lanpostua berreskuratu zuen arte. Gararen arabera, “argi gelditu zen barne mugimendu horiek ez dutela sailaren partetik gutxiesterik suposatzen”.
“Ugarteko”ren kalte-ordain eskariak jasotzen duenez, bere izen-abizenak argitaratu izanak eragina izan zuen bere lan egoeran. Bere esanetan, ordura arte Operazio Buru bezala ziharduen Bilboko polizia etxean. Bertsioa gezurtatu du Garak. Hedabidearen arabera, 3.316 zenbakidun plaka duen ertzainaren izen-abizenak 2013ko abenduaren 2an argitaratu ziren, lanpostuz aldatu ostean: 2013ko apirilaren 26an lekualdatu zuten “Ugarteko”, Estefania Beltran de Heredia Segurtasun sailburuak azken astean azaldu duenez. “Lanpostu aldatzeak ez du loturarik izen-abizenak argitaratu izanarekin”, dio Garak.
Omenaldia egin diote Iñigo Cabacasi, bere heriotzaren hamargarren urteurrenean. Iñigo Cabacas Lizeranzu plaza izendatu dute Ertzaintzaren pilotakada batek hil zuen kantoia. Antolatzaileek eta gurasoek herritarren babesa eskertu dute, eta erakundeen... [+]
Apirilaren 5ean hamar urte bete dira Ertzaintzak jaurtitako gomazko pilota batek Iñigo Cabacas larriki zauritu zuenetik. Apirilaren 9an, ostera, Cabacasen heriotzaren hamargarren urteurrena beteko da, pilotakadaren ondorioz hil egin baitzen gaztea. Data seinalatu... [+]
Abenduaren 15ean Ertzaintzak artxibatu egin zuen Cabacasen hilketari buruzko barne ikerketa, eta gurasoek gutun batean adierazi dute “harridura eta atsekabea” eragin ziela erabakiak. Josu Erkoreka Jaurlaritzako Segurtasun sailburuari leporatu diote euren samina... [+]
Eusko Jaurlaritzako Segurtasun sailburu Josu Erkorekak azaldu duenez, sei auzipetuei ezin zaie ardura diziplinariorik eskatu, haietako bost (Juan José de Pablo 'Ugarteko' ertzainburua tartean) jada ez direlako funtzionarioak, eta seigarrenak, tiro egiteko agindua... [+]
Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain... [+]