Euskara lehenetsiko dute Kutxabankek eta Laboral Kutxak UEMAko 38 udalerritan

  • Azpeitian bildu dira UEMAko, Laboral Kutxako eta Kutxabankeko ordezkariak, hala nola UEMAko 38 udalerritakoak –30en kasuan, alkateak–, bi kutxa horietako bulegoetan euskarari lehentasuna emango dion neurri sorta hitzartzeko. Hogei udalek kutxetako bakarrarekin sinatu dute hitzarmena, gainerakoek biekin.

ARGIA @argia
2016ko uztailak 19
Ezkerretik eskumara: Eneko Etxeberria (Azpeitiko alkatea), Marije Etxaniz (Laboral Kutxa), Eduardo Ruiz de Gordejuela (Kutxabank) eta Josu Labaka (UEMAko lehendakaria). (Argazkia: UEMA)

UEMAko lehendakari Josu Labaka, Eneko Etxeberria Azpeitiko alkatea, Laboral Kutxako Marije Etxaniz eta Kutxabankeko Eduardo Ruiz de Gordejuela agertu dira hedabideen aurrean adostutakoaren berri emateko. Batetik, kutxa biek bai UEMArekin bai akordioa izenpetu duten 38 udalerriekin euskara hutsezko harremanak izango dituzte aurrerantzean. Bestetik, hainbat neurri zehatz hartuko dituzte bezeroekiko harremanetan euskararen presentzia bermatzeko. Hauek dira neurri horietako batzuk:

  • Langileak edozein lan mota euskara jarduteko gaitasuna dutela ziurtatuko dute, eta horretara bideratuko dituzte etengabeko trebakuntza eta tresna informatikoak. Kontratatzen dituzten langile guztiak, finko zein aldi baterakoak, elebidunak izango dira.
  • Ahozko harremanetan, euskaraz egingo zaio lehen hitza bezeroari.
  • Posta elektronikoz bidalitako informazioa euskara hutsez edo ele bietan bidaliko zaie bezeroei. Mezu elebidunetan euskarak izango du lehentasuna.  
  • Kutxazainetako pantailen hasierako mezuak euskarazkoak izango dira.
  • Eskainitako zerbitzu guztiak –errenta aitorpenaren kanpaina, esaterako– euskaraz izan daitezen beharrezko baliabideak ipiniko dira bai langileen bai herritarren eskura.
  • Eragiketetarako dokumentuak euskara hutsean eskainiko zaizkie bezeroei, edo elebidun hala eskatuz gero.
  • Zordunketa eta kreditu txartelak euskaraz sinatuko dira, kontrakoa eskatzen duten bezeroenak izan ezik.

“Erakunde publiko guztiek hizkuntza eskubideak bermatzeko hartu beharko lituzketen konpromisoak ageri dira bi finantza erakunde hauekin sinatu dugun hitzarmenean. Zentzu horretan, jarrera eredugarria da”, adierazi du UEMAko lehendakari Josu Labakak aurkezpenean. Sinatzaile guztiek nabarmendu dute kalitatezko zerbitzuaren oinarrizko osagaietako bat dela bezeroaren hizkuntza hautua errespetatzea batetik, eta bi hizkuntza ofizialen arteko ahulena bultzatzeko neurriak hartu behar direla bestetik.

Akordioa bost urterako sinatu dute, eta beste bost urtez luzatuko da alderen batek bertan behera uzteko borondaterik agertzen ez badu. Hitzarmenaren eraginkortasuna aztertzeko jarraipen batzordea sortuko dute.    

Kanal hauetan artxibatua: Euskara  |  Azpeitia  |  UEMA  |  Kutxabank  |  Laboral Kutxa

Euskara kanaletik interesatuko zaizu...
2017-09-24 | Axier Lopez
"Lehen patatero deitzen ziguten mespretxuz, orain harro esaten dugu"

Aurtengo ARGIA Egunak Gasteizen lur hartuko du urriaren 7an. Hiriburu batean egiten dugun lehen aldia da. Eta ez da kasualitatea Arabakoa aukeratu izana. Ezer gertatzen ez den 8. lurralde erdaldunean. Hori diote aurreiritzi zaharrek. Eta, ohi bezala, egia ezkutatzeko besterik ez dute balio. Arabako gure konplizeek ondo baino hobeto dakite hori. Igor Goikolea eta Maialen Kortabarria (Hala Bedi) eta Aritz Martinez de Lunarekin (Alea) hitz egin dugu.


2017-09-24 | Xabier Letona
Koldo Martinez eta Joxerra Olano aurrez aurre

Nafarroan, aldaketaren indarrak Foru Gobernura iritsi zirenetik, euskara guda-zelai bihurtu du oposizioak; eta une zehatzetan burrunba handia sortu du nafar gizartean. Zein diskurtsorekin erantzuten dute halakoetan euskaldunek eta euskaltzaleek? Zein ideiatan oinarritzen dute euskararen normalizazio prozesua? Joxerra Olano eta Koldo Martinez jarri ditugu aurrez aurre ideia hauen hausnarrean. Euskararen esparruko pertsona esanguratsuen iritziak ere bildu ditugu.


2017-09-24 | Inma Errea
Diskurtso handirik gabeko diskurtsoak

Zer da diskurtso bat? Diskurtso bat eduki behar dugu, beti, edozein gairi buruz? Zergatik egiten ditugu diskurtsoak, eta zertarako?


Gizarte kohesioa eta kultur aberastasuna

Rafael Yuste neurobiologo espainiar ospetsuari orain dela gutxi egindako elkarrizketa batean aditu nion esaten euskara ikasteko interesa piztu zitzaiola nahiz eta bera madrildarra izan eta Estatu Batuen eta Espainiaren artean bizi. Hona bere hitzak: “Zoragarria iruditzen zait, eta Espainiako nahiz Europako ikastetxe guztietan irakatsi beharko lukete.


Demokrazia, giza eskubideak eta hizkuntza

Giza eskubideen aitortza eta bermea dira sistema politiko demokratiko bat ondoen ezaugarritzen duen elementurik adierazkorrena. Eta giza eskubideen bi funtsezko balioak dira berezko duintasunaren errespetua eta pertsonon berdintasuna.


2017-09-24 | Maria Solana
Irmo normalizazioaren bidean

Gauza jakina da Nafarroako Euskararen Legeak hiru zatitan banatu zuela herrialdea, euskararen ofizialtasunari zegokionez: eremu elebiduna, zeinean euskararen lege-estatusa EAEkoaren parekoa zen; eremu mistoa, non herritarrek zenbait eskubide zituzten, tartean euskaraz ikastekoa, eta, azkenik, eremu erdalduna, inolako eskubide gabea.1986a zen.


2017-09-24 | Oskar Zapata
...eta hauek ere bai

2010eko maiatzaren 15ean “Nafarroan euskaraz bizitzeko eskubidea” aldarrikatzeko milaka euskaltzale batu ginen Iruñan. Nazkatuta, haserre, baina harro. Izan ere, Gobernuak 2001etik  hizkuntza politika garbia ezarri zuen: euskaldunon ukazioa, ez ginen existitzen, beraz eskubiderik ez.


2017-09-24 | Hedoi Etxarte
Esloganak eta politika

2001eko irailak hamaikako atentatuen ostean. Urgentziaz. Susan Buck-Morss-ek Thinking Past Terror idatzi zuen. Liburu hark ez zuen hizkuntza eskubideez jarduten. Ezta hizkuntz politikaz ere. Mendebaldeko ezkerrari kritika egiten zion. Ez zituelako etxerako lanak eginak islamaren inguruan. Bere burua munduaren zentrotzat zeukalako. Bidegurutzeen garaietan. Krisietan. Buck-Morss-en bulkada imitatu beharko genuke eraldaketan parte hartu nahi dugunok: izan hizkuntz eskubideen militante, hiztun... [+]


Euskararen presentzia Nafarroan, 'Navarrorum' erakusketaren bidez

Atzo zabaldu zuten Navarrorum. Euskararen gaineko dokumentu nafarren bi mila urteko ondarea erakusketa. Nafarroako Artxiboan dago ikusgai abendura arte.


Estalitako jolastokia eskatu du San Frantzisko eskolak Nafarroako Parlamentuan

Nafarroako Parlamentura eraman du aldarri historikoa, haurrek ez baitute "jolaserako espazio librerik" ezta hezkuntza fisikoa egiteko ere. 400 bat ikasle ditu eskolak.


Azkenak
EGILEA
Eguneraketa berriak daude