UEMAK 25 urte: ez daitezen erdaldundu udalerri euskaldunenak

  • Maiatzaren 5arekin sortu zen UEMA duela 25 urte. Urteurren ekitaldian, herri euskaldunenetan ere euskararen erabilerak behera egin duen garaian, beharrezkotzat jo dute Udalerri Euskaldunen Mankomunitatea.

ARGIA @argia
2016ko maiatzaren 06a
Maiatzaren 5ean elkartu ziren Aizarnazabalen UEMAko udalen ordezkariak, erakunde publikoetakoak, eta sorreran ibilitakoak. Argazkia: UEMA.

“Lurraldea eta Hizkuntza” lehenengo jardunaldietan erakutsi zuen irudi koloretsua Iñaki Iurrebaso soziologoak. EAEko udalerri erdaldunenak erakutsi zituen euskararen ezagutzan eta erabileran gora egiten. Aldiz, udalerri euskaldunenetan (UEMAn euskaldunak %70etik gora diren udalerriak sar daitezke) ezagutzak ez du gora egin eta erabilera behera egiten hasia da.

19 udalen artean sortu zuten UEMA eta gaur egun 73 dira. Badago zeregina euskara ia bizitzako eremu guztietan nagusi den herrietan ere. Aurrera begira badira kezkak, ahulguneak, baina lortutakoak ere gogoratu zituzten maiatzaren 5ean Aizarnazabalen egindako ekitaldian. Udalek herritarren hizkuntza eskubideak errespetatzeko bitartekoak jarri dituzte; herritarrak ahalduntzeko proiektuak sortu dira, duela gutxi gaztetxoak ahalduntzeko egitasmoa jarri da abian Urola-Kostako hainbat ikastetxetan; eragin linguistikoa ebaluatzeko (ELE) tresna sortu dute eta Udal Legean lege babesa lortu du; eta udaletako aktak euskaraz idatzi ahal izatea lortu da. Josu Labaka UEMAko lehendakariak adierazi zuenez, tropelari tiraka jarraitzeko asmoz dabil UEMA.

Kanal honetan artxibatua: UEMA

UEMA kanaletik interesatuko zaizu...
Udalerri euskaldunen eguna Diman izango da, maiatzaren 26an

UEMAk eta Dimako Udalak elkarlanean antolatuko dute aurten Udalerri Euskaldunen Eguna, Arratiako beste zenbait udalekin eta Dimako hainbat elkarte eta eragileren laguntzarekin. Maiatzaren 26an izango da hitzordua.


Eta zuk, bisitari, ba al dakizu hemen euskaraz egiten dela?

Zumaiako kaleetan ikusiko dituzu hemendik aurrera. Gidak azalpenak emango dizkie turistei: euskararen jatorriaz arituko da, non egiten den eta zein euskalki dituen esango die, hiztun kopurua asmatzeko zirikatuko ditu. Ez dute flysch ospetsuaz hitz egingo, euskal nortasunaz, kulturaz eta euskarari buruz baizik. Zumaiako Udaleko euskara eta turismo sailek sortutako ekimena da, eta haien belarrietara iritsi dena kontuan hartuta, tankera horretako bisita gidatu bakarra da Euskal Herrian.


2018-03-13 | Bizkaie
Arantzazu UEMAko kide izango da

Udalerri Euskaldunen Mankomunitateko 86. udalerria izango da.


Errezilen eta Alegian etxe berriak
Eraikitzen hasi aurretik euskararen hauskortasuna neurtu dute

“Errezilen etxe gehiago egingo direla, eta zer? Euskara ahultzeko beldurra? Baina gu beti izan gara euskaldunak eta hala izaten jarraituko dugu”. Ez dugu errezildarraren ahotik entzun esaldi borobil hori, baina izan zitekeen, halakoxea baita aldartea biztanle berriak etorriko badira ere euskal komunitatea arriskuan ikusten ez denean. ARGIAk Xebero Agirretxe herriko alkatearekin, Nekane Zinkunegi zinegotziarekin eta Arritxu Zelaia hizkuntza aholkulariarekin hitz egin du. Hirigintza... [+]


2017-10-06 | ARGIA
Zergatik egiten dute euskaraz gutxiago bermeotarrek ondarroarrek baino?

Ondarroan euskararen ezagutza %79koa da eta erabilera ere bai. Bermeon ezagutza %72koa da eta erabilera %33koa. UEMAk ikerketa sakona egin du askotariko faktoreak lantzeko.


2017-09-08 | ARGIA
Udalerri euskaldunetako gazteek Orion ezagutuko dute elkar

UEMAk Salto! Gazte Topaketak antolatu ditu. Euskaraz bizi diren gazteak euskararen inguruan kontzientziatzea eta besteengan eragitea lortzea da helburua.


2017-07-06 | ARGIA
Euskara eta turismoa lotzeko ekimenak landu dituzte Oriok, Zumaiak, Azpeitiak eta Nafarroako Gobernuak

UEMAren ustez Nafarroako Turismo Planak euskara kultur ondare garrantzitsutzat hartu izana aitzindaria da.


2017-07-02 | Ainhoa Bretos
O˝atiko ikasleak galdezka:
Zergatik du hizkuntza batek beste batek baino botere handiagoa?

Udalak euskalduntzen ari diren arren, udalerriak erdalduntzen ari direla adierazi du UEMA Udalerri Euskaldunen Mankomunitateak. Horren aurrean, herritarren kontzientziazioa eta sentsibilizazioa lantzeko hezkuntza proiektua jarri du martxan UEMA osatzen duten herrietako ikastetxe guztietan. Oñatiko Txantxiku Ikastolan eta Elkar Hezi Ikastetxean izan da ARGIA.


2017-06-23 | ARGIA
EAEko Auzitegi Nagusiak Gipuzkoako Foru Aldundiaren Euskara Planaren aurkako epaia eman du

Bost artikulu baliogabetu ditu, besteak beste, kontratazio administratiboarena eta diru-laguntza jasotzaileen betekizunena. Foru Aldundiak epaia errekurrituko du.


Azkenak
EGILEA
Eguneraketa berriak daude