Udazkenean hasiko dira aske uzten Bateragune auziko kideak

  • Sei urte beteko dira urriaren 13an Bateragune auzia abian jarri eta ezker abertzaleko hamar kide atxilotu zituztenetik. Espetxeratuak izan ziren bostak zigorraren epea betetzear daude, eta udazkenean aske uzten hastea aurreikusten da.


2015eko abuztuaren 25an - 11:37
Bateragune auzitik espetxeratuak izan ziren bost kideak zigorraren epea betetzear daude, eta udazkenean aske uzten hastea aurreikusten da.

Arkaitz Rodrigez, Sonia Jacinto eta Miren Zabaletari seina urteko kartzela zigorra ezarri zien Auzitegi Nazionalak, eta sei hilabete gehiago Arnaldo Otegiri eta Rafa Diezi. Lehen hiruak urrian askatuko dituzte. Auzia epaitu gabe zen garaian Diezek urte eta hilabete batzuk kalean eman zituenez, espetxealdia hilabete batzuk luzatzea posible da. Otegiren kasuan, ordea, 2016ko martxoan geldituko da libre, kondena bete ondoren.

18/98 sumarioan auzipetutako Egineko hainbat kidek ere askatasuna berreskuratuko dute udazken honetan. Egunkariko zuzendari izateagatik espetxean den Jabier Salutregi kazetaria aske geratuko da zazpi urte eta erdiko zigorra bete ondoren.

Jose Luis Elkoro Eginen bultzatzaileetakoa izana ere guztiz libre geldituko da. Osasun arazoak direla eta 2010etik etxean ari da kondena betetzen (80 urte ditu Elkorok), kontrol neurripean.

Auzi berriak

2011ko urrian ETAk jarduera armatuaren behin betiko amaiera adierazi zuenetik, epaiketa politikoek ez dute etenik izan, eta 150 euskaldun baino gehiago pasatu dira Espainiako auzitegietatik beren lan politikoa medio.

Urriaren 19an Askapenaren aurkako epaiketa hasiko dute Espainiako Auzitegi Nazionalean. Erakundearen ilegalizazioa eta bost kideri seina urteko espetxe zigorra eskatzen die fiskaltzak.

Azaroaren 12tik aurrera, berriz, Batasuna, EAE-ANV eta EHAK-ko 35 kideren aurkako makroepaiketa hasiko dute Madrilen. Urtarrilean zen hastekoa epaiketa hau, baina auzipetuen abokatuak atxilotu zituztenez atzeratu egin behar izan zuten.

Herriko tabernen auzia dela eta, halaber, Euskal Herriko 107 taberna eta elkarte ixteko arriskuan daude. 14 urte iraun du epaiketak eta Espainiako Auzitegi Gorenak Auzitegi Nazionalaren epaia berretsi ondoren, Estatuak 107 lokalen konfiskazioa agindu du. Itxiera gauzatzeko polizia-operazioa noiz eta nola eginen duten ikusteke dago. 


Kanal honetatik interesatuko zaizu: Epaiketak
Gorka Roca Torreri babes agiria

Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]


Puigdemont terrorismoagatik ikertzeko agindu du Auzitegi Gorenak: auziaren klabeak

Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]


Gorka Torre epaituko dute Izpurun eta Donibane Garazin euskararen aldeko ekintza batzuengatik

HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.


2024-02-06 | Gedar
14.000 euroko zigor eskaera gazte batentzat, Palestinarekin elkartasunez Donostian egindako protesta bat dela-eta

Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]


Eguneraketa berriak daude