Gasteizko mugimendu feministak neska gazte batek duela bi aste etxera bidean jasandako egoeraren berri eman du: "'¿Tu zorra a donde vas? Ven aquí!'. Oso beldurtuta nengoen".
Duela bi aste inguru Gasteizen 18 urteko neska batek jasandako egoera biolento baten berri eman du bertako mugimendu feministak. Pertsona batek furgonetarekin jarraitu zuen gaztea mehatxu sexistak eginez, eta ezkutatu egin behar izan zen. Hala Bedi irratiak bere Twitter kontuan gaztearen testigantza eskaini du.
[Azken Ordua] El movimiento feminista de Gasteiz ha dado a conocer la siguiente denuncia de una joven de 18 años pic.twitter.com/fkX1maXMm5
— Hala Bedi Irratia (@halabedi) 2016(e)ko irailak 21
Dioenez goizaldean etxera bueltan zihoala furgoneta bat atzetik segika zuela jabetu zen, azkenean korrika irten eta urbanizazio batean ezkutatu zen, furgoneta barruko pertsonak "zorra a donde vas?" eta gisa bereko mehatxuak egin zizkion bitartean, "hogei minutuz geratu nintzen zer egin jakin gabe".
Azaldu duenez, ondoren udaltzaingora joan zen salaketa jartzera eta han partea baino ez ziotela hartu dio "salaketa jartzeko datu asko falta omen ziren. Bukatzeko, etxera bakarrik ez joatea gomendatu zidaten, hurrengo batean oihukatzeko eta mobila eskuan eramateko".
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]
Ama diren 938 emakumek dute zaintzapeko polizia Nafarroan, erasotzaileengandik babesteko.