Udalerri Euskaldunen Egunean Dima, Ziortza-Bolibar eta Legorreta onartuko dituzte
Maiatzaren 28an ospatuko du UEMAk Udalerri Euskaldunen Eguna Leitzan. UEMAk adina urte bete ditu Udalerri Euskaldunen Egunak, 25.
Festa eta aldarrikapena uztartuko dituzte. Jai giroa izango da herrian udalerri euskaldunek 25 urtez egindako ekarpena gogoratu nahi dutelako antolatzaileek, eta egindako lana eta bidea aitortu eragileei. Bestalde, “euskaraz bizi nahi dugula” gogorarazi nahi da eta udalerri euskaldunek babes berezia eta hizkuntza politika aurrerakoia merezi dutela aldarrikatuko da.
Ekitaldi herrikoia antolatu nahi dute eta Leitza eta inguruko hainbat eragilek hartuko dute parte: Arano, Areso, Goizueta eta Leitzako Euskara Zerbitzua, Denok Bat Guraso Elkartea, Aurrerako dantzariak, Aurrera elkartea, Kultur Taldea, Atekabeltz gaztetxea, Karrape irratia, Kiliklon ekoizpenak, eta Leitzako Bertso Eskola. Norbanakoek ere hartuko dute parte.
Goizez UEMAk batzar nagusia egingo du eta Dima, Ziortza-Bolibar eta Legorreta UEMAra sartzeko egindako eskaerak onartuko dituzte. Hiru horiek gehituta UEMAk 76 kide izango ditu.
Eguneko egitaraua eta hainbat ohar UEMAren lotura honetan.
Maiatzaren 28rako bideoklipa ere prestatu dute.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.
Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]
EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.
Uliazpi Fundazioa, Laudio, Barakaldo, Irun, Erandio... Edo beste era batera esanda: hizkuntza eskakizunak, Udal Legearen 6.2 artikulua, kontratazioetako klausulak... Sektore publikoaren euskalduntzea urrunegi joan dela esaten ari zaizkigu. Horretara dator oldarraldi judiziala... [+]