Gasteizko Udalak Errekaleorreko eraikinak eraitsiko dituela esan du Urtaranek

  • Atzoko esku-hartzea "zuzena eta beharrezkoa" izan zela adierazi du; "justifikatuta dago".

Arabako Alea @ArabakoALEA
2017ko maiatzaren 19a

Gasteizko alkate Gorka Urtaranek Udalak Errekaleorreko eraikinak eraitsiko dituela esan du, gaur eskaini duen agerraldian. Atzo Errekaleorren gertatutakoa "justifikatuta" dagoela esan du. "Errekaleor auzian, beti esan dugu baldintza minimoak betetzen ez dituzten eraikinetan bizitzeak arriskua dakarrela. Beste leku batzuk eskaini dizkiegu, baina ezinezkoa izan da akordio batera heltzea". Auzo askeko bizilagunak "antisistema" direla gaineratu du, eta "euren helburuetako bat da erakundeekin ez negoziatzea". Gainera, jakinaren gainean zeudela adierazi du, eta gogorarazi du 2015eko otsailean sute bat izan zela okupatutako etxebizitza batean, eta hiru txakur hil zirela. 

Azaldu duenez, Eusko Jaurlaritzako Industria Sailak eta Iberdrolak errekerimendu bana egin zuten auzo horretako etxebizitzak okupatu dituzten pertsonek duten arriskuez ohartarazteko. "Segurtasuna bermatzea da garrantzitsuena, eta bertan bizi direnek badakite instalazio elektrikoak ez dituela segurtasun neurri guztiak betetzen. Udalaren erantzukizuna da". Atzoko esku-hartzea, beraz, "zuzena eta beharrezkoa" izan zela esan du, "justifikatuta dago".

Gauzak horrela, Udalaren helburua argia dela azpimarratu du alkateak. "Errekaleorreko eraikinak eraitsi nahi ditugu, eraztun berdeari jarraipena emateko". Zentzu horretan, erabakiak berehala hartu behar direla zehaztu du.

Albiste hau Arabako Aleak argitaratu du eta ARGIAra ekarri dugu CC by-sa lizentzia baliatuta

Kanal hauetan artxibatua: Errekaleor  |  Arabako politika  |  Gasteiz

Errekaleor kanaletik interesatuko zaizu...
2018-02-20 | Axier Lopez
Aman Komunak
"Ez gara jabetzen herri mugimenduak Euskal Herrian duen indarraz"

Ibiltzen hasi berria da, baina esperientzia eta bizipen asko biltzen du Aman Komunak sareak, herri mugimenduko hainbat taldek eta kidek osatzen dutelako. Joan-etorriko izaera izan nahi du: bakoitzaren kolektibotik sare orokor bat aberastu, sareak tokian tokiko eguneroko lana bizitu dezan. Sorreratik ari dira parte hartzen Maddi Sarasua Errekaleorren bizi den itsasuarra eta Urruñako Hartzea Lopez.


2018-01-02 | Jon Altza
Iritzia
Horia da gure 'green'

Izan kolore zioen Gora Gasteiz mugimenduak 2015eko apirilean, harik eta ekainean alkate xenofobo arduragabea aldatzea lortu genuen arte. Geroztik, bakoitzak geure kolorea eman diogu hiriari: mugimendu feministak morea eman du (lila argia beharrean, more indartsua eman ere!); hezkuntza-komunitatea gorriak ikusten ari da, haurrei behar bezalako prestakuntza emateko; udal eta foru langileek etorkizun beltza aldarazi nahi dute, murrizketei aurre egiten; Santo Domingo kaleko biztanleek kristoren... [+]


2017-10-08 | Mikel Buruaga
Zer gertatzen ari da Gasteizen?

Gasteizko okupazio mugimendua pil-pilean dago: Gaztetxea, Errekaleor Bizirik, Arkillos 10, SUmendi gazte espazioa, Gazte Emantzipazio Sareak (GES) berreskuratutako Ensanche 21en etxebizitza hutsak... Protagonisten hitzak bildu ditugu mahaiaren inguruan. Arrazoi ezberdinak direla-eta, mintzakideek nahiago izan dute izen pertsonala gorde eta bakoitzaren proiektuetako kide gisa hitz egitea.


2017-10-08 | Be˝at Garaio
Errekaleor
Euskararen arnasgunea itoko du Gasteizko Udalak auzoa eraisten badu

Errekaleor Auzo Askearen laugarren urteurrena betetzera doanean, Gasteizko udal-gobernuak auzoa eraisteko prozedura azkartu du berriki, aste gutxiren buruan gazte batzuek sortu zuten bizitzeko espazio alternatiboa desagerrarazteko asmoz. Gauza asko gertatzen ari da Arabako inguru horretan, eta horietako bat euskararentzat sortu den arnasgunea da. Hori ere galduko litzateke asmo ezkutuekin abiatutako eraiste-agindua gauzatzen bada.


2017-10-04 | Mikel Buruaga
Green Capitaletik, Squat Hiriburura
Zer gertatzen ari da Gasteizen?

Gasteizko okupazio mugimendua pil-pilean dago: Gaztetxea, Errekaleor Bizirik, Arkillos 10, SUmendi gazte espazioa, Gazte Emantzipazio Sareak (GES) berreskuratutako Ensanche 21en etxebizitza hutsak... Protagonisten hitzak bildu ditugu mahaiaren inguruan. Arrazoi ezberdinak direla-eta, mintzakideek nahiago izan dute izen pertsonala gorde eta bakoitzaren proiektuetako kide gisa hitz egitea.


2017-10-03 | Hala Bedi
Coopfunding kanpainan jasotako elkartasuna eskertuko dute Errekaleorren, egitarau oparo batekin

Coopfundingean lortutako 100.000 euroak eskertuko dituzte urrian Gasteizko auzo askean. Ekarpen ekonomikoa egin zutenei ez ezik, herritar guztiei eman nahi dizkiete eskerrak. Tailerretan edo ekintza ezberdinetan izena emateko konfirmazioa eskatu dute.


2017-09-13 | Xalba Ramirez
Errekaleor botatzeko proiektua: 34.370 euro eta hilabeteko epea

Gasteizko Bim Survey enpresari esleituko diote asteazkenean Errekaleor botatzeko proiektua egiteko lana. 34.370 euroko aurrekontua izango du eta hilabete batean egiteko konpromisoa hartuko dute.


2017-09-05 | Xalba Ramirez
Errekaleorrek bere lehen argindar sorgailu eolikoa eraiki du

Piggott motako sorgailu eolikoa eraiki dute Errekaleorren, bi aste iraun duen tailerrean. Masta falta zaio funtzionatzen hasteko eta hori eraikitzeko beste tailer kolektibo bat antolatu dute.


2017-07-27 | Axier Lopez
Mozal Legea erabiliz kazetari bat zigortu du lehen aldiz Ertzaintzak, Hala Bedikoa

Maiatzaren 18an Gasteizko Errekaleor auzoko argia mozteko operazioan, zuzenean informatzen ari zen Hala Bediko kazetari bat isuna jarri dio Ertzaintzak. Eusko Jaurlaritzaren Poliziak kazetari baten aurka Mozal Legea erabiltzen duen lehen kasua da. Isuna desobedituko duela dio Hala Bedik, “lege injustuak desobeditzeko herritarrok dugun legitimitatearen” izenean.


Barrutik eta kanpotik eraldatzen

Errekaleor barrutik ezezik kanpotik ere biziberritzeko bidean, pasa den astean bi ekarpen ikusgarri jaso dituzte Italiatik: Blu kale-artista ezagunaren muralak; Boloniatik Errekaleorrera etorrita, elkartasuna eta babesa eskaini dizkie artearen bitartez.


Azkenak
EGILEA
Eguneraketa berriak daude