Gasteizko Udalak Errekaleorren argiteriaren inguruan Udalbaltzaren idazkariak ebatzitako gomendioa aintzat hartuko duela esan du, "beti Industria sailaren segurtasun errekerimenduak errespetatuz".
Errekaleor kalean argiteria moztea legez kanpo dagoela ondorioztatu du Udalbatzaren Idazkaritza Orokorrak, EH Bildu udal taldeak eskatuta, argitaratu duen txostenean."Indarreko legearen arabera, Udalak Errekaleor kalean eta bertan kokatuta dauden eraikinetan, non erroldatutako pertsonak bizi diren, argia ematera behartuta al dago?", galdetu dio alderdi abertzaileak Idazkaritzari.
Galdera horri erantzuteko egin duen txostenak dio Errekaleor kalea hiri-lurzoru bezala sailkatuta dagoela, eta Errolda Zerbitzuak bertan erroldatutako pertsonak daudela baieztatu du. Era berean, Idazkaritzak 7/1985 Legea, apirilaren 2koa, Toki-araubidearen oinarriak arautzen dituena, aipatu du. Arau honek dio udalerriek zerbitzu minimo zehaz batzuk eskaini behar dituztela, horien artean, kaleko argiteria. Gainera, lege honek, 18.1, g) artikuluan, bizilagunei zerbitzu hau eskatzeko eskubidea ematen die, eta udalerriko bizilagunak dira bertan erroldatuta daudenak, hain zuzen ere.
Hala, Gasteizko Udalak Errekaleor kalean argiztapena emateko beharra duela ondorioztatu du txosten honek.
Gasteizko Udalak Errekaleorren argiteriaren inguruan Udalbaltzaren idazkariak ebatzitako gomendioa aintzat hartuko duela adierazi du, arratsaldean bidali duen oharrean, "beti Industria sailaren segurtasun errekerimenduak errespetatuz. Horien ondorioz Iberdrolak auzoko energia elektrikoa moztu zuen segurtasun irizpideak kontutan hartuta, baita Udalaren txosten teknikoak ere".
Albiste hau Arabako Aleak argitaratu du eta CC-by-sa lizentziari esker ekarri dugu ARGIAra
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.
2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]
Oinharri eskolak Formakuntza Barnetegia eskainiko du, Euskal Herriko herri mugimenduentzako formakuntza politikoa. Lau urte daramatzate formakuntza ematen, eta beraien metodologia Brasilgo Lurrik Gabekoen Mugimenduan (MST) oinarrituta dago, materialismo dialektikoa ardatz.
Azterlan hori egiteko, jendea bizi den blokeen egoera, ezaugarri fisikoak eta eraikuntzakoak, balizko arazoak eta bizigarritasunari dagokionez duten egoera orokorra aztertu dituzte, 2022an zehar. EAEko Eraikinen Ikuskapen Teknikoaren ereduari jarraituz egin dituzte blokeen... [+]