Larunbatean ospatuko du Irungo Lakaxita gaztetxeak Jaion, urteroko festa handia. Aurten hamargarren urteurrena bete du zentro autogestionatuak eta zirku-tematika hautatu dute ospakizunerako.
Ezohiko prentsa oharra bidali du Lakaxitak jaiaren berri emateko. Zirkuko artisten desfilearen antzera irudikatu dute beraien herria, Lakaxitako erleak desfilearen buru, atzean dituztela etxe kaleratzeen amildegia azpian izan arren oinez segitzen duten funanbulistak, hilabete bukaerara iristeko malabarismoak egin behar dituzten etorkin, emakume, langile eta gazteak; eta esku batekin hipoteka altxatzen duen bitartean, bestearekin argindarraren fakturari eusten dion Emakume Indartsua.
“Aspaldi zintzilikatu zituen Udalak jendarte eta kultur politikak enpresa pribatuen trapezioan eta herritar askok oreka galdu du gutxi batzuen etekinen amildegian eroriz”, jarraitzen du Lakaxitak hedabideetara bidali duen testuak.
Moskutik Lakaxitara kamioi-kontzertuan
Jaia 17:00etan hasiko da Irungo Urdanibia plazatik (Mosku izenez ezagunagoa) abiatuko den kamioi-kontzertuarekin. God Save The Pitilins taldeak jarriko ditu doinuak Lakaxitara iritsi arteko bidean. Sex Pistolsen bertsioak egiten ditu talde horrek eta jendaurreko estreinaldia izango dute 18koa.
Gaztetxean beste hiru kontzertu: Eten, Zezenaren taldea eta Blaka; eta horren ostean DJ Prest eta Zumitrenkok jarriko duten musika.
Ekonomia sozialeko proiektua martxan
Jauzi kualitatiboa eman du Lakaxitak aurten, ohiko gaztetxe eredutik harago, ekonomia sozial eraldatzaileko proiektuak garatzeko gune bat sortuz. Otsailean eman zuten horren berri eta azaldu zutenez, urtetan eduki duten ildoan sakontzeko bidea izango da eraikineko bigarren solairua hartuko duen egitasmoa.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.