Peñen Federazioak eta Memoriaren Autobusak 1978ko gertakariak argitara ekartzeko lan egin duen eragilea omendu nahi izan du, 40 urte pasa direnean.
Juanito Etxepare izan zen lehen txupinazoa bota zuena, errepublikazalea eta Iruñeko kale nagusiko estankoko langilea, hark piztu zuen metxa, 1931an. Ordura arte, era anonimoan petardo zenbait pizten zituzten Gazteluko plazan, baina Etxepare izan zen bestelako garrantzia eman ziona.
Peñen Federazioak eta Memoriaren Autobusak Txupin Etxepare saria sortu zuten, omentzeko, eta, aurten, sanfermines78 Gogoan kolektiboari eman diote, "egia, justizia eta erreparazioa defendatzeko egindako lanarengatik".
40 urte dira German Rodriguez hil eta beste hamaika lagun errepresaliatu zituzten sanferminetatik, eta, hori dela kausa, urteurrenaren harira, omendu nahi izan dute elkartea.
"Haiek aldarrikatzen eta kondenatzen dituzte orduan gertaturikoak, jende askoren ordezkari izanda, guztiontzako sari bat da, jende asko ordezkatzen duena, beraz, guztiontzako sari bat da, eta orduan egiten ari ginen lanari emandako saria, guztiz aldarrikatzailea", esan du Ana Barrena Memoriaren Autobuseko kideak.
Albiste hau euskalerriairratia.eus-ek argitaratu du eta CC-by-sa lizentziari esker ekarri dugu ARGIAra.
Sanfermines-78: gogoan! elkarteak, German Rodriguezen ahaideek, 1978ko sanferminetako gertaeretan larriki zauritutako pertsonak eta Iruñeko Peñen Federazioak 2019ko urtarrilean kereila bat paratu zuten 1978ko sanferminetan, Iruñean, jazotako poliziaren... [+]
Asteburuan hautsi dute hilarriaren ondoko xafla, itxura guztien arabera palanka baten bitartez, Iruñeko SF78 Gogoan plataformak salatu duenez
Espainiako gobernazio ministro izandakoa gizateriaren aurkako krimenengatik epaitu nahi du Argentinako justiziak. 1976ko martxoaren 3ko eta 1978ko Sanferminetako sarraskiengatik auzipetu du María Servini de Cubría epaileak, kereila argentinarraren barruan.
Rodolfo Martín Villa (Santa María del Páramo, León, 1934), poliziak Euskal Herriko historia hurbilean egindako sarraski odoltsuenen arduradun politikoa da, 70eko hamarkadan ministro izan zen garaian. Frankismoaren Krimenen Aurkako Argentinako Kereilan... [+]